Ki kaam tyrrah kari ha kylleiñ ka jylla

Shillong: Katam ka yutip wa yoh na ki pulit da ong wa ha ka 16 tarik uni u bnai heipor kamwa 1:15 i sngi kawi ka Tipper Truck wa em No. ML-11-8247 wa yah da u Dun Emi Suting (26 snem) da tyrrah ko wa kawi ka thuk-thuk wa em No. AS-01L-7860 wa yah da u Chandra Sinha ha u sarokbah NH-6 hajan ka Star Cement Junction (EJH) wei kiwa chong ha ka thuk-thuk da mynsoo ki wei da kit ya ki cha CHC Khliehriat.

Ha ka jooh ka sngi hei janmiet da em i tyrrah kari wa kynthup ya ka ML-04C-5525 wa ka AS-01-AQ-6099 ha Hill Top, Jowai (WJH) heiwa da mynsoo leh ki ar ngut ki bru ya kiwa da pynkit noh cha Mission Hospital, Jowai.

Ha ka 17 tarik uni u bnai won heipor 3:30 i janmiet kawi ka truck (ML-08C-2693) da tyrrah ko ya kawi ka thuk-thuk wympu em number wa yah da u Rahul Hajong ha Sipragaon (SWGH) uwa da yut na ini i thaw.

Ha ini i jia uwa chong hadien ka thuk-thuk da mynsoo u wei da pynkit ya oo cha CH Ampati, wei ya uni uwa mynsoo da tip kam u Prafulla Ch Das wei da khlaad noh u ha kani ka thaw sumaar.

Related posts

Chah kem uwa thang pynmynsoo ya ka kurim ha West Jaiñtia Hills

November 19, 2024

Chah dung u Doctor ha Chennai; Ong ka Bei wa maya ware u khon ya ka

November 15, 2024

Ha ka 19 tarik uni u bnai heipor jamwa 10 waje i step kawi ka scooter (ML-10A-1706) da tyrrah ko ya kawi ka Bus (ML-05P-9128) ha Umdohbyrthih, Shillong By-pass (RB) heiwa da mynsoo uwa yah wei da kit noh ya oo cha CHC Bhoirymbong.

Ha ka 18 tarik won heipor 2:30 i step u Leichombam Suresh, uwa yah ya ka truck wa em ya u number AS-5JC-4221 heipor wa pait u ya ki tyre ka truck u kawa pynyeiñ ha Khanapara PS (RB), da lai ko chadien wei da yoh ka oo wei da kit ya oo cha Guwahati Medical College, heiwa da khlaad noh u.