Jowai: Katkam wa pyntip ki pulit, ha ka 16 tarik uni u bnai hei janmiet da em ka ya tyrrah kari hapyrdi ka kari Sumo wa em ya u Number ML-08C-7264 wa kawi ka thuk thuk ha chnong Latri Bollonggre wa em ha, SWGH. Ha ini ya tyrrah kari, uwa yah Sumo wa uwa yah thuk thuk da mynsoo ki wei da kit ya ki cha Civil Hospital Ampati wa cha Civil Hospital Tura.
Ha kani ka jooh ka sngi heipor 8 waje i miet kawi ka kari Maruti Alto-800 wa em ya u number ML-10B-2849 da tyrrah ko ya ka kari Mahindra Marshall wa em ya u number ML-10-3831 ha Bhoirymbong, RB. Ha ini i jia ki ar ngut wa em hapoh ka Maruti Alto-800 da mynsoo ki.
Ha ka 18 tarik won hei janmiet kawi ka kari kawi ym tip number da tyrrah ko ya u Akson Pohshna na Amsohrwai, WJH. Uwa chah tyrrah da kit ya oo cha Ialong Civil Hospital tangwa da khlaad noh u.
Ha ka 19 tarik won heipor 7:30 i miet kawi ka Tata Sumo wa em ya u number AS-01KC-6661 da tyrrah ko ya kawi ka kari khwe kawa pynyeiñ ha rood sarok ha Shangbangla, RB. Ha ini i jia uwi wa em hapoh ka kari Sumo da mynsoo u wei da kit ya oo cha Civil Hospital Nongpoh.
Ha ka 11 tarik heipor 11:30 i miet kawi ka Maruti Car wa em ya u number ML-05F-0691 wa yah da u Imar Nongkhlaw (44 snem) da noh ko cha rood sarok ha Mawiong, Diengpasoh, EKH.
Ha ini i jia kawa em hapoh kani ka kari ka Kripsila Nongkynrih da mynsoo ko wei hadien da khlaad ko katwa uwa yah kari wa sa uwi wa em hapoh kari da mynsoo ki malu mala wei ki pulit da pynman ki ya ka takit ha waroh ini wa jia.
Discussion about this post