Ki kaam tyrrah kari hapoh ka jylla

Jowai: Katkam wa pyntip ki pulit ha ka 7 tarik uni u bnai heipor 11 waje i step kawi ka Mahindra Pick-up (ML-08E-5091) da em ko ha i ya tyrrah kari ha Araimile, Tura (WGH), heiwa u Omar Faruk da mynsoo u wei da kit ya oo cha Civil Hospital, Tura.

Ha ka 9 tarik won ka wi ka bus wa em ya u number AS-17B-8034 heipor 7:30 i step da toh tyrrah ko ha ka Panbari NEC Road (WGH) heiwa u khynnah wa dang 14 snem wa tip kam u Saiful Islam da khlaad u ha ini i thaw wa jia.

Ha ka jooh biang ka sngi heipor 8:05 i miet kawi ka Maruti Car wa em ya u number ML-10B-8073 wa yah da u Lascretice Lyngdoh da tyrrah u ya uwi uwa lai dei kjat wa tip kam u Kamal Nath ha 16th Mile, Byrnihat (RB). Wei da kit ya uwa mynsoo cha Civil Hospital, Shillong.

Ha kani hi ka sngi heipor heipor 9:56 i miet kawi ka Maruti Alto wa em ya u number ML-10B-3003 da kylla ko ha Umtrew (RB). Uwa yah kari da mynsoo u wei da kit ya oo cha Umsning CHC.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Ha ka 7 tarik won heipor 5:30 i janmiet da em ki damok kiwa ar ngut kiwa tymmoh yei khmat yong ki da dat ki ya uwi u bru wa tip kam u Amar Das ha 20th Mile, Byrnihat (RB) wei da noh ki oo naka chi mala i yung hadien wa dawa ki na oo chi Lak. Ya u Amar Das da kit ya oo cha Civil Hospital, Nongpoh.

Ha kani ka jooh ka sngi ka wi ka Bus wa em ya u number ML-08C-0279 wa yah da u Rakseng Sangma da yachem ko wa i ya tyrrah kari ha Dadenggre, WGH. Ha ini i jia u Bablu Sheikh (48 snem) da khlaad u ha ini wa jia wei kamwa 6 ngut da mynsoo ki wei da kit ya ki cha Civil Hospital Tura.

Ha ka 11 tarik uni u bnai heipor 4 waje i janmiet kawi ka Maruti Car (AS-25B-3160) da tyrrah ko ya kawi ka truck (WB-41H-4821) ha Umsaw Nongkharai, RB heiwa da mynsoo soo ngut wei da kit ya ki cha GHRC Hospital, Guwahati yow yoh ya i sumaar.