Ki kaam tyrrah kari hapoh ka jylla

Jowai: Katkam wa pyntip ki pulit haka 15 tarik uni u bnai ka Vevika Rishi da ujor ko wa heipor 11:30 i step hadooh 12 waje pyrdi sngi ka wi ka Bus wa em ya u number ML-08F-0732, da tyrrah ko ya u kurim ko u Sanjoy Rishi ha Hawakhana Bus Stand, Tura (WGH) hadooh wa khlaad u.

Haka 19 tarik heipor 4 waje i janmiet ka wi ka thuk thuk wa yah da u Anupam Saha wa em ya u number AS-03R-4176 da noh ko cha rood sarok chapoh ka wah khian wa em ha Jyntru (RB). Ha ini wa jia uwa yah wa uwa chong hadien da mynsoo ki wei da kit ya ki cha Civil Hospital Nongpoh.

Haka jooh biang ka sngi heipor 10:30 i miet, ka wi ka kari Pick-up wa em ya u number AS-25DC-1360 wa yah da u Abhijit Abang da tyrrah ko wa kawi ka truck wa em ya u number AS-02E-0609 ha 12th Mile, Byrnihat (RB). Ha ini wa jia uwa yah Pick-up da mynsoo u wei da kit ya oo cha ka Hospital wa em ha Guwahati.

Haka 10 tarik heipor 6:20 i janmiet ka wi ka kari wa em ya u number ML-10A-1528 wa yah da u Donboklang Lyngdoh da tyrrah ko ya ka wi ka Scooty wa em ya u number ML-05S-1511 wa yah da u Hilary Malngiang hajan Ryndangbriew, NH-44, Mawlai, Shillong. Ha ini i jia uwa yah wa uwa chong hadien ka Scooty da mynsoo ki wei da kit ya ki cha CH Shillong.

Related posts

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Haka 20 tarik won heipor 9:30 i miet ka wi ka kari Mahindra Pick-up wa em ya u number ML-04A-4541 wa yah da u Buhaikur Suchiang da tyrrah ko ya u Damewanroi Tariang (32 snem) ha Dongmihsngi, Jowai (WJH). Ya uwa chah tyrrah da kit ya oo cha Dr. Norman Tunnel KJP Hospital, Jowai, tangwa da khlaad noh u.

Haka 20 tarik heipor 5:15 i janmiet kawi ka thuk thuk wa em ya u number AS-01BM-0304 wa yah da u Amrit Lama da noh ko cha rood sarok ha Mawtnum (RB). Ha ini i jia uwa yah wa uwa chong hadien da mynsoo ki wei da kit ya ki cha Civil Hospital Nongpoh.

Haka 20 tarik biang heipor 7:20 i miet ka wi ka truck wa em ya u number ML-06-1768 wa yah da u Melkhie Syiemlieh da lai bakla na i liang sarok wei da tyrrah ko ya kawi tawon ka truck wa em ya u number RJ-23GA-0377 wa yah da u Uni-Da-Ioh Suchiang ha Umjarasi (RB). Ha ini waroh ar ngut kiwa yah da mynsoo ki wei da kit ya ki cha Civil Hospital Nongpoh.

Haka jooh biang ka sngi heipor 8:30 i miet ka wi ka Maruti Van wa em ya u number ML-10B-5726 da tyrrah ko ya uwi u bru wa lai kjat ha Umeit, Shillong By-pass Road (RB), hadooh wa da mynsoo u wei da kit ya oo cha CHC Bhoirymbong yow yoh yei sumaar.