Shillong: Kiwa yahkhmat ki seiñ saiñpyrthai wei kamjooh ki bru wa paw khmat ka jylla wa ka ri waroh kawi hadien wa da yoh yutip ya i khlaad noh u Dr. Donkupar da phah ki ya ki khubor sñiawlem wei kamjooh ynne ka sngi neiliang u Lat ka jylla, u Tathagata Roy, u Montri Rangbah u Conrad K Sangma wa uwa yahkhmat ka liang pyrchah, u Dr. Mukul Sangma da lai ki wow pait wei wow pyn emburom ya u Dr. Donkupar Roy (baam kwai ha dwar u Blai) ha yung sah yong oo kawa em ha Pine Mount Ridge, Shillong.
U Lat ka jylla u Tathagata Roy da ong u wa u Dr. Donkupar Roy da pynyoo u yei sap yong oo kam uwa yahkhmat da ki kaam kiwa jooh ksoh u lada man u kam u Montri Rangbah ha ka jylla, kam u President yong ka Party UDP wei kam u Speaker ka yung dorbar wei ini da klam che ko wa man sakhiat u u bru wa khroo.
Da ong u wa ini i khlaad syndet u Dr. Don da man ko ka dooh nong wa khroo ya ka jylla, ini daw wanrah ko chipor ya i dooh nong ha ka siañ pyrthai.
Neiliang u Montri Rangbah ka jylla, u Conrad K Sangma da pynsñiaw u yei dooh wa khroo na i khlaad noh u Dr. Donkupar Roy, neidaw wa man sakhiat u uwa yahkhmat uwa jai jai wa uwa smat wow ap ya iwa ong kiwi.
U Conrad da pynyasariem u leh ya u Dr. Donkupar wa u pa yong oo, u Purno A Sangma wa ki em ki ka jooh i rukom man kam kiwa yahkhmat wa ki em ki ka yajan wei kani ka yajan yong ki da pynman ya oo wow ya tiptmit nadooh ki por wa nachwa.
Discussion about this post