15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki kari kamai wa khlem ki RFID Tags ym chah de wow psiah ki cha Delhi nadooh ka 1 tarik

Advertisement ad1

Ya ka Radio Frequency Identification (RFID) System da booh ya ka ha ki 13 tylli ki Toll Plaza ha nongbah New Delhi wow khoom u kdoh ya ki kari kamai wa pynmih ya ki tdem wa man-bih (Vehicular Pollution) wow psiah cha ka nongbah New Delhi.

Kini ki 13 tylli ki Toll Plaza man ki kam ki thaw psiah yong ki 70% ki kari kamai wa psiah cha NCR ka nongbah New Delhi.

Da ong wa hadien wa yoh yutip ka Commission for Air Quality Management for Delhi NCR wa ka RFID ym em ware u pynkrehkaam pura ya ka ha kini ki 13 tylli ki Toll Plaza ha Delhi nadooh ka 14-08-2020 heiwa da rai wow pynlait ya ki kari kamai kiwa khlem RFID Tag namo kiwa duna poisa ha ki Tag yong ki u psiah ki.

Neidaw wa ka la’ær man-bih (Polluted) ware ko ha nongbah Delhi wei ki kari kamai man ki kiwa pynjoor yei man bih ka la’ær ha ka nongbah, neiliang ka South Delhi Municipal Corporation (SDMC) da phah ko wow pyntikna wa da bood ya ki kyndon ka RFID ha waroh ki 13 tylli ki Plaza nadooh ka 01 Duyatra (January), 2021 wow khang yei psiah ki kari khlem RFID Tag kamjooh leh ki kari wa duna poisa (Balance) ha ki Tag yong ki.

Da phah leh ya ka SDMC wow pynbna ko yeini khnang wow lait kiwa kamai kari u kulmar heipor wa pynkrehkaam yeini chwa wow psiah ki chapoh ka nongbah.

Share this:
Previous

8 ngut kiwa dang yoh wa 24 ngut kiwa dang chait na u COVID-19 ha Meghalaya

Next

Ym chah ka Jarain Sutnga wow psiah chapoh ka chnong haka sngi snem thymme