Shillong : Kam chibynta wow yarap ya ki pulit u smat ki u yarap ya ki paidbah wa chem chitom cha ki luti ki syngkieñ, ka sorkar jylla ynnin ka sngi da pyllait ki ya 18 tylli ki kari pulit wa thymme ki wow pynemkaam kam ki Highway Patrol.
Ya kini ki kari u booh ya ki ha ki bynta ki National Highway ha ki thaw wa jooh khlan bha u jia ki ya tyrrah kari kamjooh cha jan ki thaw wa jooh jia i lute wa kiwi ki kaam tyngkheiñ aiñ.
Kini ki kari u pynemkaam ya ki leh yow smat ki pulit u poi cha ki thaw wa blok kari yow smat u pyllait blok kamjooh leh yow yarap ya ki bru wa mynsoo ha ki sarok bah.
Ya kini ki kari da pyllait ya ki ha Police Headquarters da u CM ka jylla ha Shillong hei emlang u Chief Secretary , u DGP wa kiwi ki heh pulit.
Kini ki kari da e 6 tylli cha Ri-loom Jaiñtia, 6 tylli cha Ri-Loom Khasi wa 6 tylli cha Ri-Loom Garo.
Discussion about this post