U symbood montri rangbah ka jylla u Prestone Tynsong hawa yaklam wa ki laad pathai khubor ynne ka sngi, da ong u wa ki kari kit jhoor wa kiwi ki mar wa emkaam (Essential Commodities) toh kiwa yoh bor u lai u wan.
Da ong u yeini hadien wa em ki Truck kiwa chah ksoh ha ki seiñbhalang ynnin ka sngi ha Shiliang Um, East Khasi Hills deiwa pynrap wa ki mar rep toh kiwa daw pyut, kamtæ ki warep emkaam ki wow dai yei mar yong ki wei ye u man wa em i sñiawthooh bakla te chah ksoh kini ki Truck.
Da pyntip u leh wa katkam ka kyndon, kini ki kari da chah wow em du uwa yah kari wa uwa yarap ya oo wei da e bor ya ki wow lai ki du hadooh i thaw wow pynhiar/kit mar ki dep te toh u liwan wot ki.
Da ong u leh wa kini ki Truck kiwa wan wow thied ya ki jhoor toh kiwa da yoh bor hawa psiah ki lyngba ki Entry Point.
