Jowai : Hawa pait cha ka chnong Jowai wa kamjooh ka district waroh kawi da chem wa em boon ki eh wa em hapyrdi yong i. Iwa eh dooh wa man katni toh heiyatoh wa i boon i jhep kat cha wa lai nadooh cha luti syngkieñ hadooh cha ki loom ki wah.
Heiyatoh weini ki bor district daw sdang ki ya ka “One House, One Tree” Campaign ha u bnai Naisan. Iwa mut wa u e uwi u tre dieñ cha iwi pa iwi i yung ha Jowai yow pait yow sumar ki oo. Da jied leh ya le ngut ki khynnah wa dang lai skur yow man ki kam kiwa mihkhmat ya kani ka Campaign.
Daw sdang leh sa ka “I Love Jowai” campaign kam chibynta ka Swaach Bharat Mission heiwa daw thied ya ki tin pyllang jhep (Dust Bin) wa chkeh kiwa daw pdyndait ha kyndaw kamjooh u man kiwa ye u pynkhih cha khmat cha dien yow suk u sai yei jhep na ki. Kini ki Dustbin næ ki thaw nohjhep toh kiwa chong dor T. 4000-6000 ka wi.
Da pyrkhat leh ya ka wah Myntdu kawa boon ki yung pyllait paikhana ki cha ka neidaw wa boon ki yung ha Jowai ym em septic tank ki kiwa ktah ya ka wah Myntdu.
Da em leh i thmu yow khang syndon noh ya ki plastic neidaw wa joor blok ki ya ki dooid kamjooh leh pyntngit ki yaka chnong Jowai. Da thmu yow pynchlur ya ki bru yow pynemkaam da ki muna wa chna na u tylle hon (Jute) wa na ki kot kiwa ye leh u e kreh ya ki bru wa chna ya kam kini ki jait muna.
Kwah leh u sikai ya ki khynnah waroh wa ym hoi u noh ki ya ki song chips kat cha wa yoh.
Kamjooh leh u pyndooh noh yei noh jhep ha Iawmusiang neibha ka Iawmusiang man ko i dur yong ka chnong Jowai.
Kamtæ neilaing ki bor district paan yumut ki na ki paidbah yow ye u pynkrehkaam yow man ini i thmu iwa man sakhait.
Ye phi u phah ya ki yumut yong phi deiwa pynemkaam da u WhatsApp ha u number 94363 94363 ye phi leh u thoh da ka chiti wa ye phi u e ha kti u DC.
Discussion about this post