theme-sticky-logo-alt
theme-logo-alt
Advertisement ad1
Advertisement ad1

Ki khon ka Elaka Sutnga to kiar nei sñiawphær thaaiñ: HITO-EJH

Advertisement ad1
Advertisement ad1
Advertisement ad1

Ka seiñ HITO-EJH ha ka kyrwoh wa da phah da ong ko wa ym ye de u pait u ap yei mih i yaklam lyngba ki laad pathai khubor heiyatoh wa i jhep ka chnong Jowai iwa da pynkhih ya ka jylla hi waroh kawi nadooh ka sorka, ki bor wa toh u pait, ki Elaka, ki chnong heiwa da mih chiboon i pyrchah na kiwa boon ki liang.

Da ong leh wa i yakhih pyrchah toh i hok yong kiwon kiwon tangwa ha kani ka kaam thooh thaw noh jhep ka Jowai Municipal Board hawa da em ki chnong lane ki bru samen kiwa da e kyllooid mynsien yei thaw noh jhep tangwa ka pyrchah da mih ko wow dawa hajrong ka yurim wa da ka luti kawa biang, tangwa ha kini ki kajiak sngi ka yung krehkaam u Acting Dolloi ka Elaka Sutnga, ka Hima Sutnga Youth Federation, Joint VDP Elaka Sutnga wa ka ECC Elaka Sutnga da mih ki wow pyrchah yei thmu wow lai noh jhep cha ki thaw ki bru samen chapoh ka Elaka Sutnga katkam i sñiaw wa i hok yong ki tangwa ki kyntien kiwa mih na kiwa yahkhmat yong kitai ki kynhun da ktah ko yei sñiaw yong kiwa boon kiwa lang na soodong sookun neibhah i pynbaad kiwa khlem yurim, ki kyntien maham lyngba ki laad pathai khubor kamwa pynbaad ki ya u Damewanhi Rymbai, Asst. Waheh Chnong ka chnong Moolamylliang  uwa da e sñiawbha ya ka krem mooyong yong oo wow noh jhep.

Advertisement ad1

Ka seiñ da ong ko wa ini leh ki kattu katni ki bru kiwa da kam ya idæ kam ki khon ka Elaka Sutnga daw pynmih ko yei sñiaw yaphær thaaiñ, ileh wa ki Jowai ym toh kiwa haap hapoh ka Bri U Ynñiawtrep, ileh ka Elaka Sutnga ym haap ko mo hapoh ka Bri U Yñiawtrep, ki khon ka Elaka Sutnga ki im ki du hapoh ka Hima yong ki. Toh u pyrkhat bha wa i yarap kylliang man ko kawa emkaam yow im ka ri.

Ka seiñ da pynkynmoo ko leh wa ka Elaka Sutnga toh kawa pyrchah seiñbhalang bha tangwa katni won da chna wei pynmih ko ya kitæ ki seiñbhalang Sutnga wei iyi mut ini? Cheiwon wiar ka yung krehkaam ka yung krehkaam u Acting Dolloi, Hima Sutnga Youth Federation, Joint VDP Elaka Sutnga wa ka ECC Elaka Sutnga wow tem ya ki kaam wa sih hapoh ka Elaka Sutnga.

Wei lada kamni kopsar i bor ki Dorbar Chnong hapoh ka Elaka Sutnga ym embor de ki mo wa hap u  kohngooh ya iyi wa hukum wa da phah da ka Elaka wa ki seiñbhalang? da kylli chooh chooh ka HITO.

Ka seiñ tyrwa ko leh yei yarap wa lada em iwon iwon i chah yooh beiñ yei hok yong kiwa chong chnong wa ki dorbar chnong, wei ka HITO-EJHD kyntu ko leh ya ki bor yong ka aiñ wa toh u paitbniah bha ki ya kam kini kiyi kiyi wa ym mih i jia wa sñiawsih hadien ha bood hapyrdi ki paradoh parasnaam.

Lyngba kani ka kyrwoh ka seiñ da kyntu ko ya ki khon ka bri u Ynñiawtrep wa ym toh wow em i mynsien sñiaw yaphær thaaiñ, Elaka, Hima, chnong wa kiwi hawa em iwon iwon i eh kawa ka Bri u Ynñiawtrep u yachem ki wei du nei ya krehlang u wanrah yei jop.

Share this:
Previous

Ujor ka HITO wym skem de ki chrot bordiñ ha ka chnong Mobakhon

Next

Wai u Lahkmen Rymbui ya ka Collective Marketing Center ha Shkenpyrsit