U Deputy Commissioner ka West Jaiñtia Hills da pynbna u yaki kyndon heiyatoh wow wai yaki dukan chna Mobile Phone, dai Mobile Phone, kamjooh yaki Computer waki tiar ki tar wa yatoh wa kini ki kaam deilang wa kitu ki dukan wa leh yaka Mobile Phone Recharging hadien wa da e bor daka sorkar Meghalaya.
Hapoh West Jaiñtia Hills District daw chah u wai du ya kitu ki dukan wa da jied da ki waheh chnong wei u chah u wai ki haka Wednesday waka Saturday nadooh 9 waje i step hadooh 4 waje i janmiet.
Ki kyndon wow wai kini ki dukan toh wow pynemkaam du kattu katni ngut donhi ki wakreh kiwa emkaam donhi, u deiñ yaki Mask, u booh yaki Hand Sanitizers, ym toh u chah u yalang ki paidbah kamjooh wow psiah ki bru chapoh dukan.
Ki tre dukan toh u pyntikna ki wow bood thij yaki kyndon ka Social Distancing deiwa yajngai ym duna chi meter uwi na uwi, u sait pynkhooid yaki dukan wei wow bood yaki kyndon hawa kyoh kamjooh wow sait yaki kti da ka um sa i sabon.
Discussion about this post