U Deputy Commissioner ka East Jaiñtia Hills District da pyntip u wa kam chibynta wow yaleh pyrchah yaka khlam COVID-19, da pynmih hukum u wow pynkrehkaam hapoh waroh kawi ka District yaka Section 144 Cr.PC deilang waka Regulation 3 ka Meghalaya Epidemic Diseases, COVID-19 Regulation 2020 nadooh 6:00 AM hadooh 7:00 PM ka 12th May 2020 hadooh wa pynmih hukum da kamwi.
Kamtæ da khang wow yalang ki bru palat 5 ngut cha bar ki yung ki bru samen, ym chah wow lai ki kari ki bru samen waki kari kamai lait na kamwa da pynbait, i wai yaki thaw wa jooh pynman yaw, ki Mall, ki Restaurant, ki dukan cha wa kiwi ki jait kam ki Hotel, ym chah wow pynman yaki yalang niam, u mynthu kat cha wa yoh haki thaw paidbah, i uiñ i lai ki bru hapoh District kamjooh cha kiwi ki District wa cha kiwi ki jylla, u wai yaki thaw uiñke suwari, ki Gym, ki madan yalehke, u pynyap dakha ha ki um ki wah deiwa pynemkaam Dynamite, i bih wa kiwi kiwi hapoh District.
Kani ka hukum ym krehkaam ko ya ki Out-Patient Department (OPDs) wa Medical Clinic, Security Forces, Medical Teams wa em Duty, Wholesale & Retail Pharmacies. Police & Armed forces, Fire & Emergency Service, MeECL & Power Grid, Food & Civil Supplies Department & FCI, Print & Electronic Media, Telecom, Communication & IT services, ki Common Service Centers (CSC), ki wakreh sorkar wa em Duty, ki Bank wa Treasuries, PHE, Animal Husbandry & Veterinary , Agriculture & Horticulture, C&RD, Meghalaya State Pollution Control Board (MSPCB).
Waroh ki dukan Fair Price shops hapoh NFSA wa Non NFSA u wai ki man ka sngi nadoh ka 12th May, 2020 nadooh 9:00 PM hadooh 4:00 P.M. I lai cha kiwi ki District toh du ya kitu kiwa em yaka Inter District TRANSIT PASS wa da e bor da u Deputy Commissioner, East Jaintia Hills District. I lai Inter State won toh du ya kitu kiwa em yaka Inter State TRANSIT PASS wa e da u Deputy Commissioner, East Jaiñtia Hills District.
Ki dukan (Commercial & Private Establsihment) kiwa dai yaki mar wa emkaam (Essential Goods) kiwa da jied u wai kiwa em cha ki thaw sah bru (Residential Area) toh katkam ka hukum ka sorkar Meghalaya, u chah u wai kiwa da yoh bor naki waheh chnong. Ha ki chnong nongkyndong ki dukan (Retail) won u wai ki 9 waje i step hadooh 1 waje i sngi nadooh ka Monday hadooh ka Friday katwa ya kiwa dai Wholesale won u wai ki 2 waje i sngi hadooh 5 waje i janmiet nadooh ka Monday hadooh ka Friday.
Chah hi ya kiwa leh yaka Courier Service wei u chah du ya kiwa kit yaki mar wa emkaam donhi katkam ki hukum ka sorkar kamjooh ya ki Common Service Center, ki kaam wa seiñ da ki bru samen kam ki Electrician, IT Repair, Plumber, Motor Mechanic waki Carpenter (Mistri) u chah u leh ki yei kaam ki ha ki jar jiar ki yung ki sem yong ki wa haki Workshop ki yong ki.
Ki karkhana chna kari kiwa em ha ki Highway kiwa da yoh bor u wai, u wai hi ki katkam ki kyndon, kamjooh ki thaw chna kari kiwa em cha palatsor kiwa da yoh bor na ki waheh chnong yong ki.
Ki dukan Hardware kiwa da jied wow wai da ki waheh wow wai toh du ya kiwa dai CGI Sheet (tin yung), khyndaw-bilat wa kiwi ki mar wa emkaam wow chna u tei, u wa ki haka Monday hadooh ka Friday nadooh 9 waje i step hadooh 1 waje i sngi kamjooh wow kit yaki mar.
Ki dukan dai tiar light namo ki Electrical Shop kiwa da jied da ki waheh chnong u wa ki naka Monday hadooh ka Friday nadooh 9 waje i step hadooh i waje i sngi.
Heiyatoh won waki karkhana chna kari, u wai du kitu kiwa da jied da u DTO, ka East Jaiñtia Hills District.
Da chah leh wow dai yaki umsong, ki umsoh kiwa da jied da ki waheh chnong.
Ki dukan chna mobile, computer, ki tiar ki tar mobile wa computer, kiwa leh mobile recharging u chah u wai du kitu kiwa jied da ki waheh chnong.
Da chah leh yei dai yaki ktung, ki dakharang, i tungtap kiwa da jied da ki waheh chnong haki sngi wa chah u wai kamwa chah u wai kiwi wa dai Wholesale wa kiwa dai khutia haki jooh ki sngi wa i por.
Chah hi leh yaki wa lai chna kari cha yung ki bru heiwa toh u em uwi uwa yah kari wa 2 ngut kiwa chna (Technician/Mechanic).
U chah yei leh Home Delivery yaki kot.
Ki dukan Stationery Shop u wa ki wa kynthup yaki Wholesale wa Retailer Monday hadooh Friday nadooh 2 waje i sngi hadooh 4 waje i janmiet.
Ki karkhana yong ka sorkar kamjooh yong ki bru samen u chah u wai ya kiwa chna baam (Food Processing) wa em cha thaw plat sor (Rural Areas). Chah hi leh wow krehkaam ki thaw chna moo block kiwa em cha palat sor (Rural Area).
Kiwi won ki karkhana toh katkam kiwa da jied da u General Manager, District Commerce & Industries Centre, Khliehriat. I tih moochuni wa kiwa tih moo (Boulder) u chah u ya kitu kiwa em yaka Lease wei kiwa pynemkaam du hapoh ka jylla waka ri, u chah u challan cha baar ri du ya kiwa pynemkaam yaki kor kam ki Elevated Conveyor kiwa ym emkaam u pynemkaam da ki bru.
I tih mooria, u chyiap katkam ka aiñ MMMRC wei tylliat moo da chah wow kit yaki yow pynkekaam cha ki thaw chna hapoh ka District deiwa yoh yaki Pass na u Deputy Commissioner.
Heiyatoh won wa i chna i tei hapoh ki thaw wa em ha sor, u chah ya kiwa pynemkaam wakreh kiwa em hapoh chnong poh thaw donhi ki wym hap wow wanrah na baar jylla deiwa bood yaki kyndon ka sorkar pyrdi waka sorkar jylla wei emkaam ki wow yoh bor na u DC. Katwa cha ki thaw palatsor (Rural Area) u chah waroh ki jait kaam chna kaam tei.
Da pteiñ hi leh wow chah yaki kaam rep, i ri mrad i psan dakha, i dai dud, i pynmih yaki mar baam na i dud, i pynpoi yaki marbaam yaki mrad, ki symbe, i kit yaki mar rep, kamjooh kiwi ki kor waki tiar ki tar wa yatoh wa i rep i riang.
Chah hi leh wow leh yaki kaam thain kriah, u chna wait, wakhu wa kiwi ki tiar wa yatoh waka rep ka riang. Ki karkhana pynmih slacha, ki thaw thung slacha u krehkaam ki deiwa pynemkaam 50% donhi ki wakreh. Yow kit yaki mar rep hapoh ka District emkaam wow yoh yaka Pass na u DC lane u BDO ka Khliehriat lane Saipung.
Chah hi leh wow wai yaki thaw sait kari kiwa da pynthymme yaka Environment Clearance naka Meghalaya State Pollution Control Board, Shillong.
U chah leh u wai ki Veterinary Hospital, Dispensary, Clinic wa i dai dawai dachin wa yatoh wa kani ka kaam.
Ki kaam MNREGA u lai bait ki kamwa da chah chwa nadooh ini wa dep.
Yaki Car Pass yong ki wakreh sorkar hap leh kamwa da leh ini wa dep kamjooh kiwi ki kari wa chah u pynemkaam. Ini kynthup ko ya kitu kiwa kit saroo, kwai wa pathi kamjooh ki kari kit um.
I lai i wan ki kari kamai wa ki kari samen toh katkam wa da dep pynbna.
Ki kari wa da yoh Pass na u DC u chah wow kit ki yaki mar rep hapoh ka District wa kynthup nadooh ki kor rep.
Kiwa leh pyrchah daw pynchitom katkam ka kyndon 51 (B) ka Disaster Management Act, 2005.
Discussion about this post