15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Ki kyndon krehkaam ka Section 144 ha West Jaiñtia Hills

Advertisement ad1
Advertisement ad1
Advertisement ad1

Jowai: U District Magistrate, West Jaiñtia Hills District, Jowai da pynmih hukum (Prohibitory Order) u haka 6 tarik uni u bnai (Jan), 2021 hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations 2020 ha waroh kawi ka District wa kynthup yaka Amlarem (Civil) Sub-Division, Thadlaskein Block wa Laskein Block yow khang yei poor ka khlam COVID-19.

Ka hukum toh kawa krehkaam nadooh ka 6 tarik uni u bnai (Jan), 2021 hadooh wa pynmih hukum da kamwi kawa neh nadooh 5 waje i step hadooh 10 waje i miet man-ka-sngi.

Ka hukum da ong ko wa lada em kiwon kiwon ki yalang hap wow bood yaka Social Distancing deiwa yajngai 6 phut uwi ya uwi, u deiñ yaki Face Mask kamjooh leh wow bood yaki kyndon wa da e daka sorkar.

Ym pu chah wow wai yaki Swimming Pool, Entertainment Park, Theatre lane kiwon kiwon ki thaw wow pynman yaki yalang paidbah lane ki thaw pynmuja pynwyrngia.

Ym pu chah wow pynman ya kawon kawon ka yalang paidbah kiwa heh (Social/Political/Entertainment/Academic/Cultural/Religious).

Da khang leh wow mih ki bru kiwa em 65 snem chaneiñ, kiwa chitom, kiwa punkhon waki khynnah wa 10 snem chapoh. Ym chah wow dih kiad, u baam kwai, duma ha ki thaw paidbah kamjooh wow mynthu haki thaw paidbah. Wei ha ki thaw kreh hap wow deiñ yaki Mask.

Lada em wa yap bru, ym toh wow em palat 20 ngut ki bru. Ha ki lehniam bia u chah du 50 ngut ki bru lane chi bhah naka le bhah wa hoi u chong ki bru. Yaki khawai bia wa pynman hapoh ka Amlarem (Civil) Sub-Division ye wow yoh bor na u Sub-Divisional Officer (Civil) Amlarem Sub-Division.

Ki dukan (Supply Chain/Wholesale Retailer, Outlet) wa kiwi kiwi kiwa da chah u wai, u wai ki 7:00 AM hadooh 9:00 PM katwa ki yaw wa pynman chisien chi tayaw kitæ haka Musiang wa Khyllaw ha Iawmusiang wa Iawthymme, Jowai u wai ki deiwa bood yaka Odd/Even Number.

Ki kaam wa yatoh waka rep ka riang, ki karkhana hap ki wow bood yaki kyndon sorkar deiwa phah leh ya kiwa chong chnong ka District wow booh (Install) yaka Aarogya Setu Application waka Behavioural Change Management App.

Da chah leh wow wai ki thaw leh Yoga waki Gymnasium deiwa yoh bor na u Deputy Commissioner deiwa bood yaki kyndon (SOP) wa da pynmih daka Ministry of Health & Family Welfare.

Da chah leh wow wai ki Cyber Café deiwa yoh bor na u Deputy Commissioner deiwa bood yaki kyndon wa booh daka chnat Information Technology & Communication Department ka sorkar Meghalaya.

Da chah leh wow wai ki thaw e sikai yaleh bol namo ki Football Training ki yong ki Sports Club wa ki Association deiwa bood yaki kyndon ka Sports & Youth Affairs Department deiwa yoh bor chwa na u Deputy Commissioner.

Ki dukan dai baam kiwa em ha ki sarok-bah (National Highway) da chah wow wai ki deiwa bood yaki kyndon kiwa da booh ka sorkar wei kini ym toh u em ki hapoh ki Containment Zone.

Da pyndam ya i pynlai kari deiwa bood yaka Odd/Even Number ha waroh kawi ka District.

Tangwa i rukum chong ki bru hapoh kari kamai kamjooh ki kari ki bru samen man ki kamni: Ha ki Bus u chah 50%, ki kari SUV wa kynthup yaki Sumo wa Maxi Cab u chah 4 ngut deiwa khlem kheiñlang wa uwa yah kari, haki kari khian (LMV) u chah 2 ngut khlem kheiñlang wa uwa yah kari, ha ki Auto rickshaw u chah uwi khlem kehiñlang wa uwa yah, ha ki ar chaka won uwi wa chong hadien wa toh u man ka kynthai lane i khynnah wa hapoh 12 snem kiwa naka jooh ka manyung.

Ki bru wa psiah/liwan chapoh ka District hap ki wow bood ya ki kyndon leh Test, Quarantine wa kiwi kiwi katkam ki kyndon ka Health & Family Department.

Ya i wanrah bru wakreh na baar jylla u chah du yaka Highly Skilled, Specialized Professional waki Technicians wei toh u leh katkam ki kyndon wa da booh daka Political Department ka sorkar Meghalaya, ki kyndon ka Labour Department kamjooh ka Health & Family Welfare.

I wai yaki Industrial Training Institutes (ITI) da chah deiwa bood yaki kyndon wa pynmih da ka Directorate General of Training, Ministry of Skill Development & Entrepreneurship, Government of India kamjooh ki yong ka Health & Family Welfare Department.

I wai ya ki thaw mane Blai u man ko katkam ki kyndon wa pynmih da ka Political Department.

I wai yaki thaw uiñke suwari da chah deiwa bood yaki kyndon wa pynmih daka chnat Tourism.

I krehkaam ki Veterinary Hospital, ki Dispensary wa ki Clinic, i lai ki mar na kawi ka jylla cha kawi kamjooh ki bru, ki khayi waka Bangladesh lyngba ka Land Custom Station lait noh lyngba ki Border Haat, ki yaw wa em ha khappood wa kiwi ki jylla, ki krehkaam kaam ki Weigh Bridge kamjooh ki yung krehkaam ki bru samen toh du deiwa em 33% ki wakreh.

Da chah leh ya waroh ki jait kaam chna, wa kynthup yaka MNREGA.

Da chah leh wow sdang biang ki esikai (Skills/Entrepreneurship Training Centre) kiwa em hapoh ka National Skill Training Institutes/National Skill Development/National Institute for Entrepreneurship & Small Business Development. Ki Indian institute for Entrepreneurship wa kynthup yong ki bru samen wa ki Driving Schools kiwa em pyrtuid waka Meghalaya State Skill Development Society.

Ym em khang yei lai i wan ki mar wa ki bru na kawi ka District cha kawi wa kiwi ki jylla lane kiwa lai lyngba ka Meghalaya. Waroh kiwa psiah chapoh ka jylla hap ki wow bood yaki kyndon wow leh yaki Test COVID-19, i Quarantine wa kiwi ki kyndon wa da pynmih daka chnat Health and Family Welfare na ki por cha ki por. Tangwa kiwa psiah wei mih pyn ha ka jooh ka sngi kiwa lai lauti donhi naka jylla ym hap ki wow leh yaka COVID-19 Test waka Quarantine. Ya waroh ki kyndon ye u yoh ha ka www.meghalayaonline.gov.in/covid/.

Ka Additional Deputy Commissioner In-charge (Civil) Amlarem Sub-Division, Block Development Officer, Thadlaskein wa Laskein wa ki District Head hapoh West Jaiñtia Hills daw e ki ya ki Car Pass cha ki sahep, ki wakreh ki yong ki du neibyna wow leh ya ki kaam sorkar wei kiwa pynemkaam bakla daw pynchitom yaki.

Katwa ya waroh ki jait Pass yow mih napoh ka West Jaiñtia Hills yow lai cha kiwi ki jylla daw e du da u District Magistrate. Ym em khang yei lai na kawi ka District cha kawi hapoh ka jylla.

Share this:
Previous

Ka BJP u pteiñ ko wow dawa takit CBI hajrong i baam-tooh ha ki District Council

Next

11 ngut kiwa dang yoh wa 27 ngut kiwa chait na u COVID-19 ha Meghalaya