Katkam ka Executive Committee ka Dorbar Chnong Pamra Kmai wa dadep pynman ha ka 06-02-25, da rai da iwi i sur neibynta wow kdoh u khoom ya ki kaam sih kiwa boon rukom, kamtæ ka Committee da booh ko da ki kyndon ki wow krehkaam du hapoh ka chnong Pamra Kmai nadooh ka 07-02-25 hadooh wa dep ka sngi thap Vote, wei ki kyndon man ki kamni ha wah:
Du ki kyrtong deilang wa ar ngut wa bood yong oo wa ye wow wan psiah wow pynsñiawthooh cha ki manyung kiwa em ha ka chnong hadooh ka 19-02-25.
Hawa yatoh wa ka Election Campaign, waroh ki kyrtong ye ki wow wan pynman Campaign ha kawon kawon ka tarik wa booh sngi ki.
Ym chah u wan ki bru ki wym tipmit kiwa na baar chnong u wan psiah yalap Election hapoh u pood u ang ka chnong hadooh wa dep ka sngi thap Vote.
Ha kani ka por dang pynkhreh Exam ki khon wa puræ yong ka chnong wei yow lait u thut ki, da khang ya ki bru yong ka chnong wa kiwa na baar chnong wow tem sur hapoh kari, u pynheh sur næ u chaad palat ya ka 8:00 waje i meit chaneiñ lait noh du heipor wa Campaign yong kiwon kiwon ki kyrtong/Party.
Khnang yow neh ka chongsuk chongsaaiñ, da kyrpaad ya phi waroh wow sñiawbha wow bood ya ki kyndon wa da kdaw yow man ko ka Election MDC kawa lait bait lai ryntih khlem da em kawon kawon ka kulmar hapoh ka chnong ka thaw.
Ka Wyrta na u Waheh Chnong wa u Secretary Chnong.
Discussion about this post