15 49.0138 8.38624 1 0 4000 1 https://wyrta.com 300 0

Ki kyndon pynlai kari mynstep ha Jowai

0 Comments
Advertisement ad1
Jowai: Ki pulit ka Jowai Traffic Branch heiyatoh wa ka sngi thap Vote ka wow man leh mynstep ka sngi da pynbna

ki ya i rukom lai rukom wan ki kari hapoh ka chnong Jowai nadooh 5 waje i janmiet.

New Hill Point-Waroh ki kari wa hiar na New Hill Point haap dong ki cha ka laad Thomas Jones Synod College wei ym chah u lai ki cha DC Point lait noh ki kari wa pynemkaam ki Election Official wa ki Polling Party.

Wahnangbah Junction-Waroh ki kari wa wan na Tpep-Pale ym chah u dong ki cha liang DC Point lait noh ki kari ki Election Official wa ki Polling Party.

DC Point-Waroh ki kari wa wan na ki Polling Station waphær waphær haap pynyieñ kari ki ha Stand Nangbah wei ha chilliang ka sarok neiliang wa lai ki cha HK Singh School.

DC Junction- Waroh ki kari na ki Polling Station hadien wa pynhiar ki ya ki bru yong ki wa ki kor EVM u lai pynyieñ ki ha rood sarok wa lai cha HK Singh School.

Dawki Stand/Mynthong Area- Waroh ki kari Polling Station wa wan neiliang Dawki u pynyieñ ki ya ki kari ha Stand Dawki wei ki kari paidbah wa wan na Dawki/Mynthong haap lai ki na ka sarok wa em nadien ka yungkrehkaam u DC.

Seiñraij Shopping Complex- Ym chah ya ki kari wa wan na Mission Compound wow wan ki cha DC Point.

HK Singh School Junction Chutwakhu- Ki kari wa wan na Jrisaleiñ ym chah u wan ki cha DC Office lait noh ki kari ki Election Official wa ki Polling Party.

0 Comments

Leave a Reply