Heiyatoh wa i thang bomkala ha ka 1 tarik u Khonchonglad kawa man leh ka sngi lehkmen ya ka Diwali, neiliang u DC ka East Jaiñtia Hills da pynmih hukum u hapoh ka Section 163 ka BNSS hajrong ini waroh neidaw wa pynjakhlia ko ya ka la’ær kamjooh ktah ko leh yei chait i khiah ki bru.
Kamtæ da khang yei dai yei thied ya ki bomkala kiwa chna cha baar ri.
Katkam ka hukum, ki bomkala ymtoh u ood ki palat ya 125dB (AI) næ 145 dB(C) pk deiwa kheiñ 4 meter nei thaw wa pdung ki. Da khang leh wow pyndait ter ter ya ki bomkala kiwa pyntngit bha ya ka la’ær, kiwa ood wei kiwa pynmih chiboon i jakhlia.
Da khang leh wow thang bomkala 100 meter na ki Hospital, ki Nursing Home, ki Primary wa District Health Care Center, ki thaw puræ, ki yung bichaar, ki thaw mane wa kiwon kiwon ki thaw kiwa da pynbna kam ki Silent Zone da ki bor sorkar.
I thang bomkala ha ka sngi Diwali hapoh ka District u chah du nadooh 8:00 waje i miet hadooh 10:00 waje i miet.
Ki bomkala kiwa dai toh u man ki du da kiwa em License kiwa da yoh bor na u DC deiwa bood ki ya ki kyndon ka Central Pollution Control Board.
Kani ka hukum u krehkaam ko chisiendon hadooh wa kut ka Diwali.
Discussion about this post