Neidaw wa krehkaam ka Lockdown ha kylleiñ ka ri wow yakhun ya ka khlam COVID-19, kiwa khih mylla ha ki karkhana (Industry), ha ki kaam rep (Agriculture), kiwa hei chna i tei (Construction) wa kiwi kiwi da pynsah ya ki ha ki Relief/ Shelter Camps wa pait da ki sorkar jylla heijooh i por da chah leh ya ki kattu katni ki kaam cha baar yong ki thaw wa da tipmit namo ki Containment Zone, katkam wa da booh wow krehkaam nadooh ka 20 tarik uni u bnai heiwa kini ki wakreh ye ki wow pteiñ ya ki kreh yong ki.
Deiwa pteiñ ya ka hukum ka Ministry of Home Affairs chwa ka 29 Wisu wa ka 15 wa 16 tarik uni u bnai da booh ko ya ki kyndon namo ka Standard Operating Protocol (SOP) heiyatoh wa i lai i wan ki bru wa khih mylla kiwa da neh ha ki jylla waphær waphær.
Heiyatooh won wow uiñ ki hapoh ki jylla wa em ki da booh noh ya ki kattu katni ki kyndon krehkaam.
Kiwa khih mylla kiwa em ha kini ki thaw wa da pynkhreh da ka sorkar toh u chim (Register) ya ki pyrtuid yong ki da ki bor sorkar wei wow chim leh kiyi ki jait kreh wa ye ki u leh.
Lada kini kiwa khih mylla kwah ki u liwan biang cha ki thaw kreh yong ki hapoh ka jylla (heiwa em ki katni) daw emkaam wow sylli (screen) ya ki wei lada ym em dak (asymptomatic) ki ye wow yah ya ki cha ki thaw kreh yong ki.
Da ban joor leh wa ymtoh u chah ya ki wow lai ki cha baar yong ki jylla wa em ki katni.
Manda yah ya ki cha ki thaw kreh emkaam wow chong jngai ki namo ki kyndon ka Social Distancing wei ya kini ki bus wow pynemkaam wow kit ya ki toh u man ki kiwa da sait dawai pynkhooid (Sanitized) katkam ki kyndon ki chnat i chait i khiah.
Emkaam leh wow bood ya ki kyndon ka National Directives for COVID-19 Management wa da pynmih ha ka 15 tarik uni u bnai.
Ki bor sorkar (Local Authorities) toh u pynbiang ki ya ki baam wa ka umdih wa kiwi kiwi heipor wa kit ya ki cha ki thaw kreh.
Discussion about this post