Jowai: Deiwa pyrkhat yei long i man neidaw ka khlam COVID-19, u District Magistrate ka West Jaiñtia Hills da pynmih kyndon u heiyatoh wa i bai wa pynman ha yungmane (Churches, Temples, Mosques and other places of worship) kiwa em hapoh ka District ha kini ki por.
Ka hukum da ong ko wa waroh ki thaw wa pynman bia toh u man ki kiwa pynngad kiwa lait lær wei lada ye toh u pynman cha lait lada yoh thaw wei lada chah i man i suiñbneiñ wei ym toh u pynemkaam yaki Air Conditioning.
I thaw pynman bia toh u man i iwa heh yow ye u leh yaka Social Distancing kiwa chah khut yow ye ki u yajngai 2 metre, toh u man i leh i thaw iwa da pynkhooid bha. Hap booh leh yaki Hand Sanitizers haki thaw psiah waki thaw mih wei wow booh thij pa thij yaki pyrtuid kiwa lai bia kamjooh ki wakreh wow pynkreh ya i bia.
Ya i pynkhreh, nadooh i rukom chong wa kiwi kiwi daw wan sylli da u sahep wada jied daka bor District.
Kani ka hukum da ong ko leh wa kiwa chah khut sñiawbha cha i bia ym toh u palat ko ya 50 ngut wa kynthup ya kiwa bia.
Kiwa da heh rta kiwa em 65 snem chaneiñ wa ki khynnah wa 10 snem chapoh hap wow syndong bha ya ki heipor wa em ki ha i thaw wa em i bia.
Kiwa pynman bia leh ye ki wow pynyoo yei bia deiwa leh yaka Online, katwa kiwon kiwon kiwa chitom kiwa em yei ka’oh, iñ doh, i synrum ym chah wow lai bia ki.
Heiyatoh wa i e sñiawbha cha kiwa bia deiwa rah daki tiar ki tar toh u yait u leh ya ini wei da pynchlur wow leh daki Online Gifts.
Waroh kiwa lai bia toh u Download wei pynemkaam yaka Aarogya Setu App heipor wa em ka bia kamjooh hadien i bia.