Heiyatoh wa kani ka Election MDC 2025 cha ka Jaintia Hills Autonomous District Council wei yow pyntikna wa ka Election toh kawa bood ya ki kyndon ka Model Code of Conduct, neiliang u District Magistrate ka West Jaiñtia Hills katkam i bor wa da pynkup ha oo hapoh ka Section 163 ka BNSS da khang u yei rah ya ka poisa kawa palat Rs. 50,000 heipor wa em kani ka Election.
Da pynmih leh ka hukum wow khang yei liar, yei thoh, u biah Poster, biah kot ha ki kynroh ki chram kamjooh wow booh ki dur ki dar deilang ki Hoarding, ki Banner, ki lama wa kiwi de kiwa yatoh waka Election ha ki thaw paidbah khlem da yoh bor chwa.
Da khang ya ki Political Party, ki kyrtong wow booh ki ya ki Banner ha ki luti syngkieñ, ki thaw lai thaw wan wot ha ki thaw ki yung ki bru samen khlem da lai paan bor na ki bor sorkar.
Waroh ki yalang yalap Election, ki lai paidbah emkaam wow yoh bor chwa wei ym chah wow pynemkaam tanghæng nadooh 10:00 waje i miet hadooh 6:00 waje i step.
Da khang leh wow pynemkaam tanghæng khlem da yoh bor chwa.
Discussion about this post