Ynne ka sngi kawa man leh ka sngi wow bichaar namo ka Scrutiny ya ki kyrtong MDC cha JHADC wa da pynman ha yung krehkaam u DC ha Jowai, heiwa da em da ki hajar ngut ki paidbah wa wan synraan ya ki kyrtong hadooh wa da dap ka chnong ka thaw smam.
Ha Jowai da em 16 tylli ki Constituency wa da bichaar ya ki kot ki sla ki kyrtong.
Da sakhi wa ki sarok ka Iawmusiang, nadooh najan Jowai Police Station hadooh hajan Stand War wa hajan ka yung krehkaam ka JHADC da man ki kiwa da dap da ki paidbah.
Ki paidbah chynrang wa kynthai da rah ki ya ki lama yong ki Party wa ki yong ki kyrtong samen wei da yachaad ki tymbud luti.
Hawa mih ki kyrtong na yung Krehkaam u Deputy Commissioner heitæ kiwa kyrchaan da synraan ki ya ki kyrtong yong ki hawa liwan ki manda dep bichaar ya ki kot ki sla yong ki.
Da rwai ki leh ya ki sur yong ki Party wa yong ki kyrtong yong ki.
Discussion about this post