15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki kynthai em ki chiboon i kaamram wow kyntu ya ka imlang sahlang

0 Comments

Shillong: Ynne ka sngi da leh warom ya ka International Women’s Day ha ICAR Research Complex, Umiam hajrong ka thong “Time is now: Rural and urban activities transforming women’s lives” iwa mut da toh i por wow pynkylla ya i rukom im ki kynthai.

Ha kani ka sngi da yoh ya ki kyntien pdiang burom na ka Dr. K. Puro, Principal Scientist ICAR Research Complex heiwa da ong ko leh wa ki kynthai em ki ka hok wow yoh i burom ha ka imlang sahlang. Da ong ko leh wa ki kynthai em ki chiboon i bynta ha ka imlang sahlang nadooh i khayi pateiñ, ki kaam seiñ hima, wa kiwi kiwi.

Advertisement ad1

Kiwi kiwa da klam ha kani ka sngi toh ka Dr. Prathibha Kulsherestha kawa man ka Professor warim ka History Department ha Delhi University heiwa da kdaw ko ya ki kaamram yong ki kynthai ha ka imlang sahlang wa katni, heiwa da pynksan ko yei wow pynembor ya ki kynthai.

Ka Dr. Bhavna C Soso Medical Officer CPGS da pynche ko ya ki paidbah yei emkaam ki kynthai u syndong u sumaar ki pyndaki yaki hi khnang wow ye ki u e yarap cha ka imlang sahlang.

Da yoh leh i klam na ka Swapna Deb Kanango kawa man kam ka Branch Manager ka State Bank ICAR Umiam Branch heiwa da ong ko wa i stat i tip toh iwa emkaam bha wow kyntu kynrong ya ka imlang sahlang, heiwa da ong ko wa toh i kaamram yong waroh wow kyntu wei wow pynchlur ya ki kynthai wow puræ ki.

U Chief Administrative Officer ka ICAR u K.K. Kulshrestha da yaroh u ya i embynta ki kynthai ha kiwa boon ki kaam ha ka imlang sahlang heiwa da pynksan u yei wow pynku kyrdan ya ki kynthai ha ka imlang sahlang.

Kiwi kiwa da klam toh ka In-charge Director ka Dr. K.K. Baruah, wa kiwi kiwi.

Previous
Next

0 Comments

Leave a Reply