Hapyrdi i chrai ki paidbah yeiwa chah slaitbor kawi kawa lai puræ Doctor ha Durgapur, West Bengal, neiliang ka Chief Minister ka jylla, ka Mamata Banerjee da ong ko ki kynthai wa sah Hostel wym toh u mih ki cha lait dei miet.
Hawa yaklam wa kiwa thoh khubor, da ong ko wa khamtam ki khynnah kynthai ymtoh u mih ki dei miet neibhah daw hap ki wow yada pyn da ki ya ki hi.
Kam wow kdaw heini wa kawi ka kynthai da chah slaitbor ko ha Durgapur, Paschim Bardhaman District kawa lai puræ MBBS ha kawi ka Private Medical College. Kani ka kynthai toh kawa na Odisha, wei damih ko cha lait ka College hei miet ka 10 tarik uni u bnai deilang wa uwi u lok chynrang heiwa da chah slaitbor ko ha ki chynrang ha i khloo wa em pyn hajan ka College.
Ka Mamata da ong ko wa kani ka College leh toh u kitkhlieh ko ya kiwa lai puræ neibhah ki pulit ym ye ki wow pait ya iwi pa iwi i yung wei lada em kiwa mih cha lait heipor 12:30 i pyrdi synyaaw hanla man i hok ki tangwa da toh u em ki kyndon neibynta kitu kiwa sah Hostel.
Da ong ko leh wa hapoh ka jylla ym em kheiñstiñ ya kam kini ki kaam tangwa da kyntu ko ya kiwa wan puræ wym toh u mih ki dei miet neibhah ki pulit ym tip ki kiyi wa mih wa psiah chapoh Hostel.
Heiyatoh wa ini i chah slaitbor, ki pulit dadep ki wow kem ya le ngut kiwa sah hajan hi ini i thaw wa jia.
Ka Mamata hawa pynche biang yeini hadien wa mih khubor, da ong ko wa kiwa thoh khubor da chim bakla ki yeiwa ong ko neibhah da jubab ko yeiwa kylli ki wei ymtoh wow leh ki ya kam ini i Politics wa ka neibhah ka bien ko u yaklam wa ki ymtoh kam kiwi kiwa da tip chwa iyi u kylli ki.
Discussion about this post