15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ki luti wow lai chaad ki dong waphær waphær ka Jowai kam wow pdiang ya u snem thymme

0 Comments
Advertisement ad1

Jowai: Ki pulit ka Jowai Traffic Branch da pynman ki ya ka yalang wa ki dong ka Jowai kiwa daw lai chaad pdiang warom ya u snem thymme ha ka 01-01-18 yow pynbait ya jar jiar ki luti yow lait i sah kut kari kamjooh i ya tyngkhooh para wa lai chaad.

Da leh ya ini toh neidaw wa da boon bru ka chnong Jowai katni kamjooh leh ki kari.

Neiliang kiwa mihkhmat ya ki dong waphær waphær da kyrpaad ki ya u CEO ka Jowai Municipal wow pynman da ka pynkhooid ya ka Iawmusiang ha ka 31 tarik kam chibynta ka Swaach Bharat yow lait u sah i jhep ha ka sngi lai chaad.

Ha kani ka yalang da chim ya ka rai wow pynman ya ka luti ha ki dong waphær waphær wei man ki kamni ha wah:

Mission Compound: I thaw sdang u man i nadooh na madan Biar-Iongpiah-Dulong-Tpep Pale-Iawmusiang-Chutwakhu wei u pynkut biang ha i thaw wa sdang.

Tympang Club: I thaw sdang toh nadooh Madan Tympang-DC Office-Mission Compound- Iongpiah-Dulong-Tpep Pale-Iawmusiang-New Hill Point-DC Office wei u pynkut biang ha i thaw wa sdang.

Chutwakhu: I thaw sdang toh nadooh madan Jrisaleiñ-Mission Compound- Iongpiah-Dulong-Tpep Pale-Iawmusiang-Mynthong wei u pynkut biang ha i thaw wa sdang.

Khimusniang: I thaw sdang toh na Indoor Stadium- Madan Jrisaleiñ-Chutwakhu-Mission Compound- Iongpiah-Dulong-Tpep Pale-Iawmusiang-Chutwakhu wei wow pynkut biang hei thaw wa sdang.

Tpep Pale: I thaw sdang toh nadooh na madan Tep Pale-Iawmusiang-HK Singh School-Chutwakhu-Mission Compound-Iongpiah-Dulong-Tpep Pale.

Mynthong: I thaw sdang toh na khmat District Library-DC Office-Meghalaya Studio-Mission Compound- Iongpiah-Dulong-Tpep Pale-Iawmusiang-DC Office wei u pynkut biang ha i thaw wa sdang.

Khlieh Iongriang: I thaw sdang na khmat ka MeECl Office-Chuwakhu-Mission Compound-Iongpiah-Dulong-Tpep Pale-Iawmusiang-Mynthong-Jrisaleiñ wei u pynkut biang ha i jooh i thaw wa sdang.

Khlieh Myngkrem: I thaw sdang toh nadooh Khlieh Myngkrem-DC Office-Mission Compound- Iongpiah-Dulong-Tpep Pale-Iawmusiang-DC Office wei u pynkut hei thaw wa sdang.

Ladthadlaboh: I thaw sdang Madan Daimasi-Moosalyngkat-Exotica Iawmusiang-Newhill-Madan Daismasi-Mookyrdup-Mooralong-Lad Reserve dong biang cha Madan Daimasi yow pynkut.

New Hill: I thaw sdang na New Hill-Iawmusaing-DC Point-Meghalaya Studio-Mission Compound- Iongpiah-Dulong-Tpep Pale-Iawmusiang wei u lai biang cha New Hill yow pynkut.

Moosalyngkat: I thaw sdang na Moosalyngkat-Exotica Iawmusiang-HK Singh School-Chutwakhu-Mission Compound- Iongpiah-Dulong-Tpep Pale-Iawmusiang-Thomas Jones yow poi biang cha i thaw was dang.

Dong Mihsngi: Kiwa na Dong Mihsngi u lai ki na Moosalyngkat cha Exotica Iawmusiang neitæ ha DC Point hadooh ha Dawki Stand wei u uiñ biang cha Iawmusiang cha Dong Mihsngi lyngba ka New Hill wa Ladthadlaboh.

Caroline Colony: Kiwa na Caroline u lai lyngba ka Madan Daimasi lyngba ka Moosalyngkat cha Exotica Iawmusiang Point neitæ wei u uiñ biang cha New Hill-Madan Daimasi hadooh wa poi biang ha Caroline Colony.

Tyndo Wapung: U sdang ki na Tyndo Wapung u lai ki na Madan Daimasi lyngba ka Moosalyngkat cha Exotica Iawmusiang Point wei u dong biang cha cha Tyndo Wapung biang lyngba ka New Hill wa Ladthadlaboh.

Lumpariat: I thaw sdang na Lumpariat u lai ki lyngba ka Madan Daimasi neitæ cha Moosalyngkat Iawmusiang Exotica Point wei uiñ biang cha Lumpariat lyngba ka New Hill.

Mookyrdup: I thaw sdang na Mookyrdup lyngba ka Madan Daimasi neitæ cha Moosalyngkat wa Iawmusiang Exotica Point wei uiñ biang cha Mookyrdup lyngba ka New Hill.

Salaroh: Kiwa na Salaroh nawon u lai ki na Thomas Jones neitæ cha Iawmusiang neitæ ha DC Point- Mission Compound- Iongpiah-Dulong-Tpep Pale hadooh wa poi Iawmusiang wow poi biang cha Salaroh lyngba ka Thomas Jones Point.

I por sdang toh nadooh 4 waje i janmiet hadooh 9 waje i miet.

Ki No Entry Point toh ha Thomas Jones Junction, HK Singh School, Dawki Stand, Mission Compound

Kiwi ki kyndon won toh wa ym chah ya ki kari wow boodien ki ya kiwa chaad lait noh na ka kari wa kit tanghæng.

Ym chah ya kiwa lai chaad u uiñ ki arsien ha i jooh i thaw.

Ki kari wa wan, haap pynyieñ kari ki ha Tomas Jones, Dawki Stand, Nangbah Stand (SRJ Parking Jowai).

Ki kari wa pynwit ya kiwa lai chaad daw pynchitom ya ki katkam ka aiñ.

Waroh kiwa lai chaad haap skit ki ha khmat ka office ka JTES ha Iawmusiang.

Share this:
Previous

Kiwa yahkhmat ka Congress toh kiwa leh embor: MLA warim ka Congress

Next

Dang em hi mo wow bood ya ki dak kjat u Woh Kiang Nangbah?