U District Magistrate, West Jaiñtia Hills da pynmih hukum u hapoh ka Section 144 Cr. PC yow khang yei dai wei thied ya waroh ki jait bomkala wa da chna lane wa da wanrah na baar ri. Da khang leh yei pynemkaam ya ki bomkala wa da pyndait saar iwa hadien iwi (Series Crackers or Laris) kiwa ood wei kiwa da pynmih yei jakhlai wa i jhep wa lang hadien wa pynemkaam ya ki.
Da khang leh wow pynemkaam ya ki bomkala wa ood palat 125 dB (A1) lane 145 dB (C) Pk manda jngai 4 Metre na i thaw wa pynpdung.
Kani ka hukum da khang ko leh yei thang bomkala deiwa jngai 100 Meter na ki Hospital, Nursing Home, Primary wa District Health Care Centre, ki thaw puræ, ki yung bichaar, ki yung niam lane kiwon kiwon ki thaw kiwa da pynbna wa man ki kam ki Silent Zone da ki bor sorkar.
Yei thang bomkala u chah du nadooh 11:55 PM hadooh 12:30 AM ha ka sngi Christmas wa ha ka sngi snem thymme.
U District Magistrate da ong u wa i dai bomkala toh du lyngba kitu kiwa da yoh License wei toh u dai ki du ya kitu ki jait bomkala wa da chah wei da e bor da u Deputy Commissioner, West Jaintia Hills deiwa bood leh ya ki kyndon ka Central Pollution Control Board.
