Jowai : Ka lehkmen sngi laitlooid ha uni u snem hapoh Meghalaya u man ko kawa lait na i khut khang chnong na kiwon kiwon ki seiñ hadien wa da boon boon snem bha.
Ha Jowai ya ka leh warom ya ka sngi laitlooid u pynman ha Madan Jrisalein, Chutwakhu nadooh 9 waje i step heiwa daw pynhær ya ka lama, pynbood sa ka March Past, ki yalehke pynwyrngai ya ki paidbah kam ki chaad ki rwai na ki dong waphær ka Jowai wa kamjooh leh na ki khynnah skur.
Ya kiwa chimbynta ha ka March Past daw saam tupri cha ki waroh. Daw em leh ka Food Fest ha madan kawa pynman da ka Chutwakhu.
Daw em leh ka yakop Slow Motorcycle Race wa ka Slow Cycle Race heiwa ki wa yoh nyngkong u yoh ki T. 3000 wa ar T. 2000 wa le won T. 1000.
Daw li saam baam leh cha kiwa thiah kjut ha Dr. Norman Tunnel Hospital, Jowai Civil Hospital, Ialong wa kiwa chah kset ha District Jail wa kiwi kiwi.
Heipor 1 waje i sngi daw pyndep ya ka Final ka Independence Cup 2016 ha pyrdi ka Dulong wa ka Lumpariat.
Ha uni u snem neiliang u DC ka WJH da pynchlur u leh ya waroh u pynhær ya ki lama ka ri ha waroh ki yung lait noh ha ki kari.
Discussion about this post