Ki pulit Assam ym em beh ki ya ki Karbi heipor wa wan pynawri ki, ong u waheh chnong ka Lapangap

I awri hapyrdi ki Karbi khamtam kiwa na Tahpat wa ki Pnar na Lapangap dang pteiñ i hadooh kini ki sngi heiwa ynnin uwi u Karbi da yap u hei awri heipor wa ah kba ki paidbah ka Lapangap.

Hawa yaklam wa u Waheh Chnong ka Lapangap, u Deimonmi Lyngdoh da ong u wa hadien wa yoh khubor wa da pynbait ki ar District ka West Jaiñtia wa ka West Karbi Anglong wow e laad ya ki paidbah wow ah kba, da pynlang ya ki paidbah ka chnong wow hiar ah ya u kba.

Kamtæ hei step da hiar ki cha hali chirup wa ki pulit ka Meghalaya hei emlang ki pulit ka Assam.

Da ong u wa mar sdang ki wow ah kba da wan ki Karbi wow pynthut ya ki deiwa siat da ki watur heiwa ki pulit ka Meghalaya yada ki ya ki katwa ki pulit ka Assam nawon ym em beh ki ya ki Karbi wei yoo lakam wa yachah ki ya ki.

Related posts

Ong ki wow yaleh hadooh wa kut mynsien tangwa ym bien ki wow wan yaklam chaphang ka Reservation Policy: Conrad

May 7, 2026

Chah siat yap u PA u heh ka BJP ha West Bengal

May 7, 2026

Heijooh i por da ong u wa mar wa yoo yeini da hap liwan noh deiwa kit du kattu katni donhi u kba wa dadep ah.