Shillong: U Chief Secretary ka jylla katkam ka hukum ynnin da pyntip u wa u B. Syiem, Director of Agriculture wa u Dr. G.M.R.K. Marak, Director of Animal Husbandry & Veterinary da ye ki wow e ya ki Curfew & Vehicle Passe cha ki bru wa emkaam.
Neiliang u Principal Secretary ka Labour Department ynnin da pyntip u wa kiwa kam wow yoh myntoi na ka sorkar kam ka bai nongsngi ye ki u leh deiwa pyndap namo u leh ya ki kyndon wa da booh da ka State Emergency Operation Centre (Disaster Management) namo deiwa phone ha u Number 1070 (uwa mynkna), deiwa lai ha ki jar jiar ki District Labour Offices/Block Labour Offices namo deiwa WhatsApp ha kini ki Number 97747-51740/87947-31937.
U Chief Secretary ka jylla ynne ka sngi da pyntip u wa u Chinmay P. Gotmare, Secretary ka Planning Department (9485098768) wa u Cyril V.D. Diengdoh, Secretary ka Political Department (9856451339) u man ki kam ki Nodal Officer neibynta wow pait wei wow kreh hapyrdi ki sorkar jylla khamtam wa yatoh wa kiwa kreh mylla kiwa liwan chnong, ki khynnah puræ naka jylla (Meghalaya) kiwa em cha kiwi tawon ki jylla wei wa u Bhupesh Hajong, Joint Secretary ka Revenue and Disaster Management (9436113592) wa u Larry Rymbai, Executive Assistant, PIU-3, MSSDS (9856024237) u yarap ki ya kitai ki ar ngut ki sahep.
Neiliang u Secretary ka chnat Political Department da maham u ya iwon iwon i jait yakhih khamtam wa yatoh wa i chakri wym hoi u sangeh (Strike) ki wakreh Essential Services khnang wow lait u thut i chongsuk chongsaiñ.
Heijooh i por neiliang u Superintendent of Police (F&ES), Meghalaya da pyntip u wa em i iñ khamtam ki khloo ha sor Shillong wei kiwa boon toh nei ieh ya ki diñ khlem tympleh nei khalær donhi heiwa da kyntu ya ki waheh chnong wa kiwa kitkaam chnong wow khang yei lai uiñke chapoh ki khloo hapoh u pood yong ki wei kamjooh leh wow dam u dih duma ha ki thaw paidbah iwa ye wanrah won yei chah ktah ki mynsien bru nei poor i diñ.
Discussion about this post