15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ki pyrtuid ki 2 ngut ki baar jylla kiwa yoh bhah puræ na ka jylla toh i bakla chon ka chnat Agriculture: HYC

Advertisement ad1

Ka Hynñiewtrep Youths’ Council (HYC) Education Cell CEC, ynne ka sngi da lai yachem ko ya u Director of Agriculture (Research, Training and Technology) heiyatoh wa i lai puræ B.Sc (Hons) lyngba ka State Quota ha ka College of Agriculture, Manipur heiwa da yoh bhah ki ar ngut ki baar jylla wow puræ lyngba ka bhah ka sorkar.

Ha ini i yachem neiliang u Director da pynche u wa hajrong ki 14 ngut ki khynnah kiwa da mih pyrtuid 3 ngut toh kiwa na baar jylla, 4 ngut ki khasi wa 7 ngut ki Garo wei kamjooh leh hajrong ki Schedule Caste wa OT wa mih ki 3 ngut ki baar jylla.

Neiliang ka seiñ da yaklam ko hajrong ka Reservation Seat neibynta ki khynnah Khasi kiwa em du 4 ngut na ka List ki 14 ngut ki khynnah kiwa da mih pyrtuid wei ka seiñ da yoh ko yei pynche na u Director of Agriculture (R&T).

Da pynceh u Director wa na ka List wa da pynmih ha ka 28 tarik toh ka First List donhi neidaw i phah pynjhan ka College of Agriculture, Manipur wow phah noh ya ki pyrtuid ki khynnah na Meghalaya deiwa pynche leh wa waroh ki Seat ymtoh du ya 14 ngut kamwa da mih ha ki Social Media tangwa waroh ki Seat em ki 42 tylli wa da mang ya ki khynnah na Meghalaya neibynta i puræ B.SC (Hons) Agriculture wei na kini ki 42 seat em 20 ngut ya ki khynnah Khasi-Jaiñtia, 17 ya ki Garo wa 5 tylli ya ki baar jylla katkam ka Reservation Policy.

Da ong leh wa ym em iwon iwon i leh chiliang khmat ya ki khynnah ha ini i bhah wa kyrpang ya ki Seat lyngba ka State Quota tangwa ka chnat da bood ko thij katkam ki kyndon wa da booh.

Hajrong i mih pyrtuid ki 2 ngut ki khynnah baar jylla (Scheduled Caste) ka chnat da pynche ko wa toh du i bakla chon (Print) donhi wei ymtoh iwa da leh chanam wei neiliang ka chnat Agriculture ynne ka sngi da pynmih ko ya ka list wa pura yong ki 42 ngut ki khynnah wa da mang kyrpang neibynta ka jylla Meghalaya.

Share this:
Previous

Condolence Message from the Hon’ble Governor of Meghalaya on the passing away of Pranab Mukherjee

Next

Pynlait ka sorkar ya ki kari yong kiwa lai yaleh JEE Exam naka kyndon Odd/Even