Jowai : Ki yalehkle ka 1st Evening Super 4 Football Tournament 2016 ynnin ka 26 tarik da pynman ha pyrdi ka Para I FC wa ka Alfredo FC pynbood won sa ka Beginners FC wa ka Barca FC.
Ka yalehke wa nyngkong man ko wa yathaiñ bha heiwa hadooh wa kut i por, pynarliang ka Para I waka Alfredo da yoh ki u thap mar soo kool.
Neiliang ka Para I, u Wansalan Suting da thap u le tylli ki kool ha ka minit wa 6,33,46 wa u Chanpi oo Lamin ha ka minit wa 28.
Ya ki kool ka Alfredo da thap mar ar tylli da u Arki Lywait wa u Heibormi Khonglah.
Ya kiwa jop da rai da ka chut tie-breaker heiwa ka Pari I da jop ko 2-1.
Ha ka yalehke wa bood ha pyrdi ka Beginners waka Barca, ka Beginners da jop ko da 4-3.
Ya ki kool ka Beginners da thap da u Debilal Laloo ha ka minit wa 48, u Teimi Suiam ha ka minit wa 46 wa artylli ki kool na u Ebor Dkhar ha ka minit wa 55 wa 59.
Ya ki kool ka Barca da thap ar tylli da u Samsa-u-ru Passah ha ka minit wa 48 wa 50 wei da yarap leh ya ki chi kool da u Heipormi Dkhar uwa thap pyn cha yong oo hi u goal.
Myntu i miet heipor 6 waje wa 7:30 daw pynman ar tylli biang ki yalehke ha pyrdi ka Unknown Vs J United pynbood won sa ka Archery Vs. Jio Team.
Discussion about this post