Jowai : Ka 1st Evening Super 4 Football Tournament dang lai ko cha khmat heiwa ynnin ka 25 tarik da pynman ar tylli ki yalehke ha pyrdi ka Damanle FC waka Dream Team FC pynbood won saka M.B.A waka Tyllilang.
Ha ka yalehke wa nyngkong ka Damanle da pynrem ko ya ka Dream Team da 7-2.
Ya ki kool ka Damanle da thap da u Pynsan Dkhar ha ka minit wa 2,23,44, u Simion Suchiang ha ka minit wa 29, 40 wa u Yokima Paswet ha ka minit wa 12 wa 35.
Neiliang ka Dream Team won da thap u Emayamitre Lyngdoh ha ka minit wa 8 wa u Lekiru Bareh ha ka minit wa 12.
Ha ka yalehke wa ar won ka Tyllilang da jop ko da 9-3 ya ka M.B.A.
Ya ki kool ka Tyllilang da thap da u Dayooki DKhar ha ka minit wa 28,5 u Hame Wanoo Jungai ha ka minit wa 29,6 u Shembha Suchen ha ka minit 32, u Primrose Lamat ha k minit wa 40, u Salanmipa Kharluki ha ka minit wa 56, U Lumlong Lamat ha ka minit wa 59 wa u Bahlang Dkhar (Own Goal) ha ka minit wa 60.
Ya ki kool ka M.B.A da thap da u Ribajankut Langbang ha ka minit wa 14 wa u Bhalang Dkhar ha ka minit wa 29 wa 56.
Myntu i miet heipor 6 waje daw yaleh ka Para I Vs. Alfredo pynbood won saka Beginners Vs. Barca FC.
Discussion about this post