Jowai: Ynne ka sngi da pynman ar tylli ki yalehke 2nd Division ha pyrdi ka Lumpyrdi Mihmyntdu Vs. Nangbah Sports Association pynbood sa ka Umchangiar Vs. Khliehmyntang.
Ha ka yaleh wa nyngkong ka Lumpyrdi da jop ko ya ka Nangbah da 4-2.
Ya ki kool ka Lumpyrdi da yoh thap le tylli lyngba u Starlington Dkhar ha ka minit wa 4, 39, wa 57, ya ka kool wa soo da thap da u Chabi Phawa ha ka minit wa 70+2.
Ha ka ya yalehke wa ar won ha pyrdi ka Umchangiar wa ka Khliehmyntang, da kut ko maar chi kool.
Ha ka kylla step ka Umchangiar da yoh ko u thap chi kool ha ka minit wa 13 tangwa ha chwa wow kut ka yalehke, ka Khliehmyntang da yoh ko u thap chi kool ha ka minit wa 65 lyngba u Ruhi Pale.
Discussion about this post