15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Pyndur khih khmi ha Jowai Civil Hospital da ka District Disaster Management Authority

0 Comments
Advertisement ad1

Jowai : Ka District Disaster Management Authority, West Jaiñtia Hills hei krehlang wa ka Medical Superintendent, Jowai Civil Hospital, ynne ka sngi da pynman ki ya ka Mock Drill namo wow pyndur wa khih khmi ha Jowai Civil Hospital, Ialong.

I thmu kani ka Mock Drill toh wow chem hadooh katwon man kiwa kreh kani ka thaw sumaar kiwa ye u yarap ya kiwa mynsoo kamjooh leh wow e sikai ya kiwa kreh yow ye ki u leh yeiwa emkaam kam ha ini i por.

Heipor 9 waje i step da pynkieh ya ka siren kam ka dak wa da khih u khmi wei chiliang ka Hospital da oor ko wei da boon kiwa mynsoo kamjooh kiwa chah ban wei da kop diñ ha i bynta wa pynyieñ kari.

Ki dhab ka State Disaster Response Force da pynyoo ki ya ki paidbah yei rukom pyllait ki ya kiwa mynsoo wei kamjooh leh wow tympleh ya i diñ.

Hadien wa kut ka Drill da pynman ya ka yalang ha kamra Conference ka Hospital hei emlang u D. M. Wallang MCS, u S.C Laloo, Additional Deputy Commissioner’s, West Jaiñtia Hills, ka Dr. A. Paswet, Superintendent ka Civil Hospital Ialong, Dr. M Talang, Add. DM&HO, Jowai, E.S.Lyngshaing, ADPO, DDMA, Jowai, ki Doctor wa ki nurse.

U D.M. Wallang ong ko wa hun hi u yeiwa yoo u ynne ka sngi tangwa kiwa kreh ka Hospital toh u pyntikna ki wa ki tiar ki tar wow yarap ya kiwa mynsoo kam ynne ka sngi toh kiwa katkam ka juk wa katni wei man ki kiwa dang krehkaam.

Da em leh le ngut kiwa man kam ki wa wan bichaar (Observer) ha kani ka sngi u JM Pohsngap, IFS, Forestry Officer, West Jaiñtia Hills, ka D. Blah, BDO Thadlaskein Block wa u H.H Mohrmen. Neiliang yong ki da ong ki wa emkaam u pynboon ya ki tadong tympleh diñ wei i e sikai yow man sakhiat waroh kiwa da pynkhreh.

mokial5

mokial4

mokial3

mokial1

mokial

Advertisement ad1

0 Comments

Leave a Reply