Jowai : Ka yakhun 3rd Division ynne da pynyaleh hapyrdi ka Mulang Ialong wa ka Nangbah Pohshnong ha Kiang Nangbah Stadium.
Ha kani ka yakhun ka Mulang Ialong da jop ko da 1-0 lyngba ka kool wa da thap da u Ram Bang ha ka minit wa 29.
Ha ka yakhun 3rd Division wa ar hapyrdi ka Pateinki Sabah wa ka Chyrmang Neiñ. Ka Pateinki Sabah da jop ko da 1-0 lyngba ka kool na u Treimi Shylla ha ka minit wa 34.
Lyngba ini i jop ka Mulang Ialong wa ka Pateinki Sabah da psiah ki cha ka Quarter Final.
Ka yakhun 1st Division won da yaleh hapyrdi ka Luti Tuber Ialong wa ka Riatsaliya Mihmyntdu. Ka Luti Tuber Ialong da jop suk ko da 4-1.
Ya ki kool ka Luti Tuber Ialong da thap da u Mihsalan Lyngdoh ha ka minit wa 11, u Dayoo Lhuid ha ka minit wa 48, u Thraiwotki Pale ha ka minit wa 73 wa na u Nudeisa Dhar ha ka minit wa 80+4. Katwa ka Riatsaliya da yoh ko chi kool na u Saiwai Milai ha ka minit wa 32.
Discussion about this post