Jowai : Ynne ha ka yakhun 2nd Division kawa da pynman da ka Jaintia District Sports Association ha Kiang Nangbah Stadium, Jowai ha pyrdi ka Pynthorlangteiñ SC wa ka Phramer SC poi ko cha ka drawn heiwa pynarliang da yoh ki u thap mar chi kool. Ya ka kool neiliang ka Pynthor da thap da u Damanhaoo Lipon ha ka minit wa 35 katwa neiliang ka Phramer da thap da u Thmubait-i Dkhar ha ka minit wa 55.
Da ini i jop ka Phramer da yoh ko u psiah cha ka Quarter final yong ka 2nd division.
Ha ka yakhun Super Division won hapyrdi ka Moosyiem Shangpung SC wa ka Lumkyrwiang SC ka Moosyiem Shangpung da jop ko 3-1. Ya ki kool neiliang ka Moosyiem da thap da u Sanki Langstang ha ki miniy wa 16 wa 41, wa ka kool na u Johnny Langbang ha ka miniy wa 90+2.
Katwa neiliang ka Lumkyrwiang da yoh ko u thap du chi kool kawa da thap da u Banteibor Syngkrem ha ka minit wa 66.
Discussion about this post