Jowai : Ynne ka 27 tarik ka Invitation Knockout Tennis Ball Cricket Tournament 2017 da pynman ya ar tylli ki yalehke ha pyrdi ka Rising Star wa ka KP Co. wei da pynbood won sa ka Nakasaki pyrchah ya ka United XI.
Ha ka yalehke wa nyngkong ynne ka sngi ka Rising Star da bat nyngkon ko wei da yoh ko 206 run deiwa dooh uwi donhi u wicket heiwa u Heimonlang-i- Lyngdoh da kamai u 151 run khlem hap i wicket yong oo. Neiliang u bowler ka KP Co. u Lamshai Siangshai da yoh u chi wicket.
Ka KP Co. hei kdong yong ka ya ka thong 207 yow jop da yoh ko du 56 run donhi deiwa hap lut ki wicket yong ka.
Neiliang ka KP u Marwanlangki Sana da kamai boon dooh u hadooh 25 run katwa u bowler ka Rising Star u D. Shullai da yoh u 3 Wicket. Kamtæ ka Rising Star da jop ko da 150 run.
Ha ka yahun wa bood ha pyrdi ka Nakasaki pyrchah ya ka United XI, ka Nakasaki da bat nyngkong ko heiwa da yoh ko 108 run deiwa haap lut waroh ki wicket yong ka. Ha ka innings ka Nakasaki u Yoomi Patwet da yoh u 52 run.
Ka United XI yow jop emkaam ko u yoh 109 run tangwa ye ko u kamai du 57 run donhi deiwa dooh ko 7 wicket. U Ebortre da kamai u 25 run katwa u Wanbiang Jat ka Rising Star da yoh u 2 Wicket.
Ka Nakasaki da jop ko da 51 run.
Discussion about this post