Jowai: Ki yalehke ka Meghalaya State League (MSL) 2019, ynne ha ri-loom Jaiñtia da pynman soo tylli ki yalehke, ar tylli ha Jowai (Group A) wa ar tylli ha Khliehriat (Group B).
Ha Jowai da sdang daka yalehke hapyrdi ka Shillong Lajong waka Umkaber SC (Tyrsad), heiwa ka Lajong da jop suk ko da 8-1.
Ya ki kool ka Lajong da thap u Norem Mahesh Singh haka minit wa 31, u Amon Lepcha haka minit wa 33 wa 62, u Apborlang Kurbah haka minit wa 49, u Phrangki Buam haka minit wa 59 wa 85, u Samuel J.L. Kynshi haka minit wa 81 wa u Donboklang Lyngdoh haka minit wa 84.
Yaka Umkaber da thap kool da u Banteilang Shylla haka minit wa 17.
Haka yalehke wa bood hapyrdi ka Lawbah Sports Club waka Royal Football Club (Sohra), ka Lawbah da jop ko da 5–1.
Yaka Lawbah da jop da u Roikhihbha Nongtdu haka minit wa 18, 76, 78 wa 90+3 wa u Damutlang Wahlang haka minit wa 68.
Yaka Royal FC da thap kool da u Gordon Basaiawmoit haka minit wa 77.
Ha Khliehriat
Ka Mynthong SC da jop ko yaka Sutnga SSCC da 3 – 1.
Yaka Mynthong da thap kool da u Dieye Hamidou haka minit wa 32 wa 58 wa u Kyrkhudametre Ryngkhlem haka minit wa 46.
Yaka Sutnga da thap kool da u Khangmiki Pale haka minit wa 44.
Haka yalehke wa bood, ka Umladkhur SC (Amlarem SSA) da jop ko yaka Japhet Brisumer (Saipung Block SA) da 2-0.
Ya ki kool da thap da u Jeffree Surong haka minit wa 7 wa u Wanslem Pakyntein haka minit wa 90.
Mynthong SC
Discussion about this post