Ki result ka Quarter Final ka U 17 Girls wa kawi ka Semi Final ka U 14 Boys

Jowai : Ka Subroto Cup kawa da pynman ha Kiang Nangbah Stadium, Ladthadlaboh, Jowai ynne ka sngi da yoh u pyndep ya waroh soo tylli ki yalehke Quarter Final ka Under 17 Girls wa kawi ka Semi Final ka Under 14 Boys.

Ha ka Quarter Final ka Under 17 Girls ka yalehke wa nyngkong da yaleh ka St. Dominic HS School pyrchah ya ka Church of God Secondary School Ummulong, heiwa ka St. Dominic da jop ko da 3-0. Ya ki kool da thap da ka Pdiang Tyngkan ha ka minit wa 26, ka Mariada Dhar ha ka minit wa 36 wa na ka Lisameri Lamare ha ka minit wa 45.

Ha ka yalehke wa ar won da yaleh ka Mynso Secondary School pyrchah ya ka Govt UP School heiwa ka Mynsoo da jop ko 2-0. Ya ki kool da thap da ka Sharon June Dkhar ha ka minit wa 4 wa 14.

Ka yalehke wa le won da yaleh hapyrdi ka Moodymmai Secondary School wa ka Little Flower Higher Secondary School Ummulong, heiwa ka Moodymmai da jop ko 1-0 lyngba ka kool na ka Pyniar Ryngkhlem ha ka minit wa 44.

Related posts

Ka Khimusniang kam ka Champion thymme ka Super Division ka WJDSA

January 31, 2026

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Ha ka yalehke wa soo won ka Government Girls HS School pyrchah ya ka Ummulong Presbyterian HS School da jop ka Government Girls da 1-0 lyngba ka kool na ka Myntoilang Phyrngap ha ka minit wa 21.

Ha ka Semi Final ka Under 14 Boys da yaleh hapyrdi ka Loompyrtuh Secondary School pyrchah ya ka North Liberty HSS heiwa ka Loompyrtuh da jop ko da 2-1. Ya ki kool yong ka North Liberty da yoh chwa ko u thap ha ka minit wa 10 lyngba u Charebha Nanghuloo katwa ka Loompyrtuh da su ko ya kani ka kool lyngba u Bimash Langbang ha ka minit wa 33 wa lyngba u Sooki Dkhar ha ka minit wa 37.