theme-sticky-logo-alt
theme-logo-alt
Advertisement ad1

Ym em MDC de neiliang pyrchah hapoh ka JHADC waroh da chong ki neiliang synchaar

Jowai : Ki MDC ka JHADC neipor cheipor da jooh wanrah ki yei yaphær yumut ki hapoh ka Council. Ha kani ka kynti ki MDC hapoh i yahkhmat u ma Thombor Shiwat sa chisien da chong lang ki waroh cha liang ki MDC wa em ha ka liang synchaar (Ruling) heiwa ym em de uwi wot leh wa em ha ka liang wa pyrchah (opposition).

Ha chwa u mih i yakhih pynhiar chuki ya u Thombor Chiwat da em soo ngut ki MDC wa chong ha ka opposition, kitæ toh u Moonlight Pariat (UDP), u Marki Mulieh (UDP), ka Violet Lyngdoh (UDP) wa u Richard Son Lyngdoh (Independent).

Kamtæ kini ki wa wan neiliang ka Opposition da yoh ki u ksoh ya ki chuki waphær waphær hapoh ka Council. U ma Moonlight Pariat da ksoh u ya ka chuki Chairman Boundary Committee, ka kong Violet Lyngdoh ya ka Chairman ka Grievances Committee, u ma Richard Son Lyngdoh ya ka Rules & Advisory Committee katwa u ma Marki Mulieh won ym em kwah u wow ksoh kaam (post) heiwon heiwon leh wei da man u kam u MDC wa kyrchaan hi-eh ya ka liang ka synchaar donhi.

Kini ki soo ngut da leh ki yeini i kaam kam ka dak wa pyrchah yei thmu ki MDC ka Council yow pynhiar chuki yow thung noh da uwi u CEM hei thaw u Thombor Shiwat.

Read Also : Sepai i thmu pynhaap chuki CEM ka JHADC

Advertisement ad1
Share this:
Previous

Ki result ka Quarter Final ka U 17 Girls wa kawi ka Semi Final ka U 14 Boys

Next

Saam projector wa kyrpang ka Rotary Club cha ka skur