Ki result ka U-14 ka WJDSA yong kiwa yoh u psiah Semi final

Jowai : Ha ka 29 tarik ka Mookyrdup SC da yachem ko ya ka Khimusniang SC heiwa ka Mookyrdup da jop ko da 2-0 ya ka Khimusniang heiwa da thap goal lyngba u Eternal Laloo ha ka minit wa 25 wa u Eddy Suchiang ha ka minit wa 53.

Ha ka 30 tarik won ka Chutwakhu SC da yachem ko ya ka Umchangiar SC heiwa da kut ka yalehke mar chi kool. Neiliang ka Chutwakhu SC da thap u Hepstar Rupsi ha ka minit wa 10 katwa na Umchangiar da thap u Dawanohi Najiar ha ka minit wa 42 da ka penalty.

Ha ka 31 tarik ka Dulong SC da pynrem ko ya ka Khliehiongriang SC da 9-0. U Wansa-o Laloo da yoh u thap 5 tylli ki kool ha ka minit wa 5, 39, 44, 53 wa 55. U tremiki Lamurong da thap u ar kool ha ka minit wa 7 wa ka 14 wa u Ksaidwatki Lato da thap u ha ka minit wa 23 katwa u Rynsan Kyndiah da thap u ha ka minit wa 37.

Deini i jop ka Dulong da yoh ko u psiah cha ka Semifinal.