Jowai : Ha ka yalehke Quarter Final yong ka 3rd Division ynne ka sngi, da yaleh ha pyrdi ka Mukhla Raij wa ka Pateiñki Sabah.
Kani ka yalehke da man ko kawa jem chilliang heiwa ka Mukhla da jop suk ko da 5-0.
Ya ki kool ka Mukhla da thap da u Player Suna ha ka minit wa 28, u Melvin Lyngdoh ha ka minit wa 30, u Benny Dkhar ha ka minit wa 32, u Piyu Sari ha ka minit wa 41 wa u Pyntngen Suna ha ka minit wa 72. Na ini i jop ka Mukhla Raij da yoh ko u psiah cha ka Semi Final.
Ha ka yalehke ka 1st Division won da yaleh ha pyrdi ka Shangpung Moolibang wa ka Nangbah Iawmusiang kawa da dut khlem em wa yoh u thap kool.
Na ini i ya drawn ka yalehke da psiah Semi Final da ka Chilliangraij.
Discussion about this post