Ki Result Semi-final ka Subruto Cup

Jowai : Ynne ka sngi da pyndep u jied ya ki skur ha ka kyrdan U-17 Boys, U-17 Girls wa U-14 Boys ki wow yoh yakhun final

ha uni u snem ha ka 4 tarik wa daw wan.

Ha ka Semi-final wa ar yong ka U-14 (ka wa nyngkong da pyndep ynnin) da yaleh ha pyrdi ka Marian Hill Higher Secondary School pyrchah ya ka Jaiñtia Secondary School heiwa ka Marian da jop ko 4-0. Ya ki kool da thap da u Damitre Bareh ha ka minit wa 5, u Wanbantei Khyllep ha ka minit wa 19 wa 38 wa u Bood Dkhar ha ka minit wa 44.

Ha ka kyrdan U-17 Girls won ha ka yalehke wa nyngkong da yaleh ha pyrdi ka St. Dominic HS School pyrchah ya ka Mynso Secondary School heiwa ka St. Dominic da jop ko da 1-0. Ya ka kool wa pynjop ya ka St. Dominic da thap da ka Mariada Dhar ha ka minit wa 49.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ha ka yalehke wa ar won ka Government Girls Higher Secondary School da yachem ko wa ka Moodymmai Secondary School. Ya ka yalehke da pynkut da ka Tie-Breaker hadien wa kut por ym em wa ye u thap kool. Ha ka Tie-Breaker ka Government Girls da jop ko 1-0

Ha ka kyrdan U-17 Boys da yaleh ha pyrdi ka North Liberty HS School pyrchah ya ka Mihmyntdu Secondary School heiwa ka yaleh ke da kut ko 1-1 hadooh wa kut por. Kamtæ da pynman da ka Tie-Breaker heiwa da jop ka North Liberty 4-2.

Ha ka yaleh Semi-final wa khaddooh ka Government Boys’ HS School da yakhun ko pyrchah ya ka St. Dominic Higher Secondary School ha kani ka yaleh ke leh da rai da ka Tie-Breaker heiwa da kut por wa ym em wa ye u thap kool. Ha ka Tie-Breaker da jop ka Government Boys’ 6-5.