Ki Rifle, ki Pistol, ki Grenade hadooh ka Bullet Proof Vest yoh kem ki chipai ha Manipur

Ki chipai ka Assam Rifles da yoh ki wow kem chiboon ki tiar yasiat, ki kuli, ki tiar tympdung wa kiwi de hawa lai kynreh ha ka thaaiñ Chandrakhong ka Thoubal District heiwa da yoh wow kem ya soo ngut ki bru deilang wa ki tiar na Churachandpur District, Imphal East wa Imphal West District ka jylla Manipur ynnin ka sngi.

Ki chipai deiwa ya krehlang wa ki pulit ka Nongpok Sekmai Police Station deilang waka Thoubal District Police, Special CDO, 33 AR wa A/182 BSF wa yahkhmat da u IG (Zone-I) wa kynthup ya u SP ka Thoubal, ki pulit ka Nongpok Sekmai Police Station wa ki pulit ka Yairipok Police Station da yoh ki wow chem ya kini ki tiar wa da murieh ha ka thaaiñ Salam Patong deiwa thooh nadooh 2:30 i step hadooh 6:00 waje i step.

Ki tiar wa da chem toh kawi ka INSAS 5.56mm rifle, ar tylli ki 7.62mm SLR Rifle, kawi ka 40mm Lathode Gun, 3 tylli ki 9mm Pistol, 7 tylli ki 36 Hand Grenade, uwi u Grenade wa da chna ha China, ar tylli ki Magazine neibynta ki 5.56mm INSAS Light Machine Gun, uwi u Magazine ka 5.56mm INSAS Rifle, ar tylli ki kuli 5.56mm INSAS, 25 tylli ki 7.62mm SLR Magazine, uwi u Tear Smoke Grenade, uwi Stun Grenade, uwi u kuli 40mm Lathode, 3 tylli ki 7.62mm SLR Cartridges, 6 tylli ki 7.62mm AK-47 Cartridges, 6 tylli ki .303 Cartridge, uwi u Detonator neibynta ki 36 Hand Grenade, 13 tylli ki Blank Cartridge, uwi u Magazine neibynta ki 9mm Pistol, chi jur ki Walkie-Talkie Set (HTRF) wa kawi ka Bulletproof Jacket wa emlang waka Plate.

Ha ini i lai kynreh da psiah chapoh 160 tylli ki yung wei da takit leh ya 600 ngut ki bru wei da lai thooh leh ya ki tre loom ka Chandrakhong wa kynthup ya ka Phajakhong wa Salam Patong. 

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Ha iwi won i jia, da yoh wow kem da ki BSF ya ar ngut ki bru deilang wa ki suloi ha Churachandpur District ynnin hi kiwa lai lutu da kawi ka kari Maruti Gypsy. 

Ki pulit ka Kakching District won da lai kynreh ki ha Kakching Chumnang ynnin hi deiwa psiah chapoh 21 tylli ki yung wei da takit ya 75 ngut ki bru tangwa ym em chem iyi iyi wei ym em kem ya uwon uwon.

Ha iwi won i liang, ki pulit da kem ki ya arngut ki dkhot ki seiñ kieñ suloi na Imphal East wa Imphal West District wei da chem tiar yasiat na ki wa kynthup ya kawi ka 9mm Pistol wa 143 tylli ki kuli wei kini ki bru toh kiwa emkti wow dawa poisa na ki bru paidbah.