Jowai: Kam chibynta wow yada nei poor ka khlam COVID-19 hapoh West Jaiñtia Hills District wa haka jylla Meghalaya wei yow bood yaki kyndon wa pynmih daka sorkar Meghalaya lyngba ka Health & Family Welfare Department, u District Magistrate, West Jaintia Hills District, Jowai da pynmih hukum u ynne ka sngi ka 6 tarik hapoh ka Section 144 Cr. P.C. deilang waka Regulation 3 ka Meghalaya Epidemic Diseases, COVID-19 Regulations 2020; da khang hapoh ka District waroh kawi nadooh ka 7th June, 2020 hadooh wa pynmih hukum da kamwai nadooh 5:00 waje i step hadooh 9:00 waje i miet man ka sngi wow yalang palat 4 ngut ki bru haki thaw paidbah palat cha baar ki yung ki bru samen. Da khang leh wow pynkrehkaam yaki kari kamai ki kari ki bru samen lait noh kiwa da chah katkam ki kyndon wa da booh kamjooh ki yaw ki hat, ki Malls, Restaurants, ki dukan cha, ki Hotel waki yalang niam kiwa da em ki kyndon wa da booh chwa.
Da khang leh wow wai yaki thaw uiñke suwari, ki Gym waki madan yalehke.
Da khang leh wow pynyap yaki doh um wei wow e bih yaki um ki wah.
Kani ka hukum ym khang ko ya ki thaw sumaar kam yaki Out-Patient Departments (OPDs) waki Medical Clinics deiwa bood yaki kyndon ka Social Distancing wa kiwi ki kyndon yada. Ym khang ko ya kiwa em haki kaam chipai, ki Medical Team wa em duty, Wholesale & Retail Pharmacy, ki Police & Armed Forces, Fire & Emergency Service, MeECL & Power Grid, Food & Civil Supplies Department wa FCI, Jowai Municipal Board, Telecom, Communications & IT Services, ki Common Service Centre (CSC), ki wakreh Print and Electronic Media, ki wakreh sorkar wa em hei kaam wa da booh, ki Bank wa Treasury, ka chnat PHE, AH&Veterinary, Agriculture & Horticulture, C&RD waka Meghalaya State Pollution Control Board (MSPCB). Kiwa chong chnong kiwa da heh rta kiwa da em 60 snem chaneiñ ym emkaam ki yaka Pass lane ki Curfew Pass. Hap ki wow rah yaki Photo ID Card yong ki wow pynsakhiat ya i snem yong ki.
Kani ka hukum ym khang ko yei wai ki dukan Fair Price Shops hapoh NFSA wa NON-NFSA wei u wai ki nadooh ka 7th June, 2020 nadooh 9:00 waje i step hadooh 6:00 waje i miet.
Da chah wow lai na kawi ka jylla cha kawi du ya kiwa em yaka Transit Pass wa e da u Deputy Commissioner ka West Jaiñtia Hills District.
Heiyatoh won wa i wai ki dukan haki thaw wa em hapoh ki chnong ki thaw kiwa da jied daki waheh chnong. Kiwa dai yonglang (Wholesale) u wai ki haka sngi Tuesday, Thursday wa Friday nadooh 9:00 AM hadooh 6:00 PM katwa ki dukan wa dai khutia (Retail) u wai ki haka Monday, Wednesday wa Saturday nadooh 9:00 AM hadooh 6:00 PM.
Kiwi kiwa de ki kaam kiwa da chah kam ki Courier Services kiwa dai yaki mar wa emkaam (Essential Goods), ki E-Commerce (Essential Goods), wa kiwi ki kaam wa leh daki bru samen kam ki Electrician, IT Repair, Plumbers, Motor Mechanics, waki mistri u ye ki wow leh yaki kaam yong ki haki thaw wa krehkaam kam ki kam haki yung yong ki kamjooh haki Workshop.
Kiwi ki kaam kiwa da chah kam ki thaw chna kari kiwa em ha ki sarokbah wa kiwa em cha ki thaw palatsor u man ko katkam i jied ki waheh chnong.
I wai ki dukan Hardware wada jied daki waheh chnong kiwa dai CGI Sheet, Cement wa kiwi kiwi kamjooh wow kit yaki mar u chah haka sngi Monday, Wednesday wa Saturday nadooh 9 waje i step hadooh 6 waje i janmiet.
Ki dukan dai tiar bordiñ namo ki Electrical Shop u wai ki haka Tuesday, Thursday wa Friday nadooh 9 waje i step hadooh 6 waje i miet.
Ki dukan chna mobile, computer u wai ki katkam wa da jied daki waheh chnong.
Yaka yaw Lay-bye Market wa em ha Ialong u wai ko haka Tuesday, Thursday wa Friday nadooh 9 waje i step hadooh 6 waje i miet.
Ki dukan dai juti kiwa da jied daki waheh chnong u wai ki haka Wednesday wa Saturday nadooh 9 waje i step hadooh 6 waje i miet.
Ki dukan Stationery Shop u wai ki haka Tuesday, Thursday wa Friday nadooh 9 waje i step hadooh 6 waje i miet.
Ki Restaurant, Café wa kiwi kiwa dai baam dai cha u wai ki du neibynta wow song baam wei wow leh yaka Home Delivery ym chah wow chong baam ki bru. Katwa cha ki thaw palat sor ki dukan cha u chah u wai ki nadooh 9 waje i step hadooh 6 waje i miet nadooh ka Monday hadooh ka Saturday lait noh kitu kiwa em ha rood ki sarokbah.
Kiwa leh Dry Cleaning u wai ki haka sngi Monday wa Saturday nadooh 9 waje i step hadooh 6 waje i miet.
Ki dukan dai that u wai ki haki thaw wa em cha sor haka sngi Monday, Wednesday wa Saturday nadooh 9 waje i step hadooh 6 waje i janmiet.
Ki dukan dai tim (Teer Counter) kiwa da jied da ki waheh chnong kamjooh kiwa dai tiar wa pynemkaam ha yung chet-ja, ki tiar bordiñ wa pynemkaam haki yung ki sem, ki thaw dai kari, ki tiar khwe, tiar kyndehke u wai ki haka sngi Monday, Wednesday wa Saturday nadooh 9 waje i step hadooh 6 waje i miet.
Kiwa chna yaki tiar wa pynemkaam ha yung chet-ja waki Travel Agency u chah u wai ki haka sngi Tuesday, Thursday wa Friday hadooh 9 waje i step hadooh 6 waje i miet, tangwa ki tre dukan u chah u pynemkaam ki du 50% ki wakreh yong ki. Ini leh man i jooh yaki yung krehkaam ki bru samen (Private Office) deiwa pynemkaam won du 33% ki bru wakreh yong ki.
Da chah leh wow pynman yaki yalehke kiwa ym ya tyngkhooh para bru kam ka Badminton, Table Tennis wei wow siat tim haka sngi Tuesday, Thursday wa Friday nadooh 9 waje i step hadooh 6 waje i miet.
I mih i lai ki kari kamai wa ki kari samen leh man ki kamjooh kamwa da pynbait chwa.
Ki kaam rep, i chna yung, ki karkhana wa kiwi dang neh ki kamjooh kawa da dep pynbna nachwa.
