Ka Akhil Bharatiya Vidyarthi Parishad (ABVP), Meghalaya da pdiang ko yeiwa rai ka Supreme Court ka India iwa deiwa burom ya ka riti synchaar wei ini pynyoo ko leh wa i mynsien ka Constitution nadooh ki dak ki chin yong ka ri wei kammon wow tip u burom heiyatoh wa i National Song, i Vande Mataram.
Ka ABVP Meghalaya da ong ko wa i Vande Mataram em i i thaw wa kyrpang bha hei yakhih pynyoh laitlooid ya ka ri we ini i sur wa thoh da u Bankim Chandra Chattopadhyay da man ko kawa e mynsien ya ki khlawait ka ri hawa yaleh pyrchah yei synchaar ki British.
Da kbai “Vande Mataram” hawa yieñ yaleh pyrchah, hawa pynman yahih, hawa e mynsien ya kitu kiwa yaleh neibynta ka ri, da ong ka ABVP.
Wei hawa yaleh laitlooid, i sur Vande Mataram toh iwa wanrah yei yatylli, iwa pynclur. Hawa chah rah yow kset patok ki khlawait ka ri da em bait hei snieh ktien ki yei kyntien “Vande Mataram”. Ini i sur da embynta i leh wow pynkhyrngiat ya ka ri, u pynyatylli ya kiwa boon na ki kylleiñ ki thaaiñ kamjooh kiwa klam ki jait ktien wa boon jait wa kiwa boon ki jaitbru.
Kamtæ ka ABVP Meghalaya da ong ko wa ki thaw puræ toh kiwa em ka bynta wa emkaam yow sikai ya ki khynnah yei parom wei yeiwa emkaam i Vande Mataram, nadooh ka yakhih laitlooid, ki khlawait kiwa da dooh yei mynsien yow tip leh u burom u maya ri yow em i hapoh ka imlang sahlang.
Ka ABVP Meghalaya da khut ko ya waroh ki khynnah skur, kiwa sikai kamjooh kiwa chong chnong wow kynmoo ki yei bynta i Vande Mataram hei yaleh laitlooid ka India neibhah man ko kam ka dak wa yatylli, i sñiawsarong ya ka ri wei i maya ya ka ri.
Discussion about this post