Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa soo ynne deiwa sdang da ki yalehke ki U-17 Girls le tylli deilang wa ar tylli ki U-15 Boys.
U-17 Girls
Ka Lotus Secondary School da jop ko ya ka Rymbai Govt. Secondary School da 10-0 da ki kool wa thap ka Diwakapaia Dkhar ha ka minit wa 6, 8, 33 wa 43, ka Alisha Lyngdoh ha ka minit wa 1, 20, 25 wa 41 waka Daphishisha Lyngdoh ha ka minit wa 23 wa 32.
Ka Lumshyrmit UP School da jop ko ya ka Little Star Secondary School da 1-0 da ka Penalty wa thap haka minit wa 30+1.
Ka Sham Sham Secondary School da jop ko ya ka Divine Word Secondary School da 2-0 da ki kool wa thap ka Markatjuh Mukhim ha ka minit wa 27 waka Sathi Phawa haka minit wa 32.
U-15 Boys
Ka K.B. Memorial Secondary School da jop ko ya ka Dkhiah East Secondary School da 16-10 da ki kool wa thap u Dameki Phawa ha ka minit wa 3, 11, 12, 26, 27, 29, 31, 32 wa 42, u Ekunemon Lamre ha ka minit wa 15 wa 22, u Dining Rymbai ha ka minit wa 35, u Ebiangmi Siangshai ha ka minit wa 38, 44 wa 47 wa u Eddie James Siangshai ha ka minit wa 39.
Ka Step By Step Secondary School da jop ko ya ka Khliehriat Higher Secondary School da 5-0 da ki kool wa thap u Kevinson Dkhar ha ka minit wa 9,25,34 wa 58 wa u Franky Ryngkhlem ha ka minit wa 16.
Kamtæ kiwa da yoh u psiah Quarter Final man ki kamni:
U-17 Boys
Little Star Secondary School, ka Lotus Secondary School, ka Divine Word Secondary School waka Wapung Higher Secondary School.
U-15 Boys
Byndihati Secondary School, Khliehriat Presbyterian Secondary School, Wapung Higher Secondary School, Lotus Secondary School, Sham Sham Secondary School waka Step By Step Secondary School.
Ha ki U-17 Girls won da psiah Semi Final ka Lumshyrmit UP School waka Lotus Secondary School.
Ki yalehke daw pteiñ ki mynstep yow yaknieh psiah Quarter Final ki chynrang wa kiwa yaknieh psiah Semi Final ha ki kynthai.
Discussion about this post