Khliehriat: U District Magistrate, East Jaiñtia Hills District ynne da pyntip paidbah u ya ki kyndon heiyatoh wa ki sngi wa ki por wa ye ki dukan wow wai hapoh ka District waroh kawi kam chibynta wow bood ya ki hukum ka sorkar heiyatoh wa i yakhun pyrchah ya ka khlam u COVID-19.
Nadooh ka 8 tarik hadooh ka 30 tarik uni u bnai waroh ki dukan wa da chah wow wai ye ki wow wai nadooh 9:00 i step hadooh 4:00 i janmiet.
Kini ki dukan u wai ki nadooh ka Dep Sngi-Bibar (Monday) hadooh ka Thohdieñ (Friday) man ka sngi iwa man san sngi ha ka chi tayaw.
Da hukum leh wow bood ya ki kyndon wa da booh da ki chnat sorkar neipor cheipor kamjooh leh wa ki bor chnong u krehkaam ki wa ki pulit kamwa da leh ha kini ki sngi wa dadep.