theme-sticky-logo-alt
theme-logo-alt
Advertisement ad1

Ki SOP ya kiwa psiah cha jylla na Ratacherra, EJH

Advertisement ad1
Advertisement ad1

Khliehriat: Wow khang yei poor u khñiang COVID-19 hapoh jylla, u Deputy Commissioner, East Jaiñtia Hills District da booh u ya ka Standard Operating Procedures (SOP) ya ki bru wow bood ki hawa psiah ki chapoh Meghalaya na Ratacherra, East Jaiñtia Hills District.

Waroh ki bru wa thmu u psiah chapoh Meghalaya emkaam wow register ki ha ka www.meghalayaonline.gov.in/covid wei kiwa ym em internet ye ki wow phone ha kini ki number 81320-11037, 84330-38716, 97115-44148, 73385-50288 hapyrdi 9:00 i step hadooh 8:00 i miet. Ye leh u register ha ki thaw psiah namo ki entry point wei manda dep register daw e ya ka acknowledgement form chirup wa ka QR Code lyngba ka online namo ye u phah cha u number lyngba ka WhatsApp/ SMS wei ya ki QR code emkaam wow pynyoo heipor wa psiah cha Meghalaya ha ki Designated Entry Points chirup wa ki Photo ID.

Advertisement ad1

Kiwa psiah chapoh jylla khlem register daw pynchitom ya ki katkam ka aiñ.

Emkaam leh wow download ya ka Corontine App yong ka sorkar deiwa lai lyngba ka URL: https://bit.ly/35gg1cm lane ha u Google Play Store wei ye leh u download ya ka Aarogya Setu App.

Emkaam leh wow leh ya ka Health Screening wei wow thaw chit da ki Infrared Thermometer namo Thermal Scanner wei kiwa em ki dak wa yoh COVID-19 ki, daw emkaam ki wow leh ya ka Rapid Diagnostic Test Kits ha ki Health Check-up Kiosk wei kiwa lai luti lang chirup emkaam wow yang ki hadooh wa da dep Test.

Kiwa wan psiah emkaam wow chong kset ki ha yung (Home Quarantine) hadooh 14 sngi wa ki hayung hasem yong ki toh u booddien ya ki da ki IDSP Unit, wei wow pyntip ya ki waheh chnong.

Lada man positive ka RT-PCR test daw yah wow chim nongmuna (sample) ha ki thaw wa da booh wei wow booh ha ki thaw wa da booh ka sorkar kam ki institutional quarantine/ isolation hadooh wa yoh ya ki result wei wow pyndep ya ki kyndon ka chnat i chait i khiah.

Emkaam leh wow bood ya ki kyndon ka chnat i chait i khiah.

Ka sorkar daw pynbiang ko leh ya ki kari lyngba ka chnat Transport wow lithooh ya kiwa em cha baar jylla hadien wa da leh ki ya ka registration wa kiwi kiwi.

Kiwa kwah u lithooh bru na airport/ bus- station/ railway station ha Guwahati, daw chah samen donhi u tre yung chirup wa uwa yah kari hadien wa yohbor na u Deputy Commissioner wei wow pyntikna wa ya kiwa lithooh ym em chitom ki. Ki kari leh u sangeh ki du ha ki thaw Screening donhi.

Ki yutip hajrong kiwa chongkset ha yung daw e leh cha ka chnat Health and Family Welfare Department kamjooh ja yung krehkaam Deputy Commissioner wei oo won daw pyntip u ya ki waheh chnong wow pyntikna wa chongkset ki ha yung.

Chooh chooh ki Community COVID Management Committees/ Terms daw pynbiang ki yeiwa emkaam kiwa chongkset wei daw pynemkaam leh ya ka Geo Fencing wow pyntikna wa kiwa chong kset ym tyngkheiñ ki ya ki kyndon ka aiñ.

Daw e mynkna leh ya ki tiar wa emkaam namo ki Free Provision Kits hapoh ka Chief Minister’s Special Grants cha ki manyung wa chongkset.

Kani ka hukum da krehkaam ko nadooh wa pynmih ya ka.

Share this:
Previous

Daw pyndooh umkor haka 14 wa 15 tarik

Next

Chah pynbaad wa pynyap uwi yaka kurim, lait im u khon wa chah noh cha poh um