Shillong: U MLA ka BJP na South Shillong, u Sanbor Shullai da ong u wa nadooh wa wan ka khlam COVID- 19, ym em uwi leh uwa khrong ha South Shillong Constituency uwa yap næ uwa yoh ya uni u khñiang, neibhah ya i dawai da yoh chwa nadooh phra bnai nachwa, deiwa ong wa hawa yaklam u wa kitai kiwa khrong kiwa khlem sum khlem sait da ki snem, kiwa da ong wa ym tieñ ki ya u Coronavirus neidaw i dawai toh u Blai.
Hawa klam hawa pynsñiaw yei pyrchah ya ka No Confidence Motion wa da wanrah da ka Congress, u Sanbor da e u yei yaroh ya ka sorkar wa yahkhmat da u Conrad K Sangma uwa da chimkhia wow pynyoh ya ka madan yalehke hapoh ka Constituency, wa khamtam wa u Montri Rangbah da kular u wow lai yaklam hadien ka Dorbar cha Delhi wow pynyoh biang ya ka madan Kirkit (Garrison).
