U Deputy Commissioner (Supply) ka West Jaiñtia Hills District da pyntip u cha waroh kiwa baam khoo rachon namo kiwa yoh myntoi hapoh ka TPDS NFSA wa katkam wa bood ya ka hukum ka Supreme Court heiyatoh wa i emkaam wow em Aadhaar wei wow leh ya ka e-KYC Linking neibynta waroh kiwa yoh myntoi na ka NFSA, wa i bhah yong ki iwa man-u-bnai kiwa em ya ka PHH Ration Card daw e du hadien wa pyndep ya ka e-KYC.
Ya kitu won kiwa em ya ka AAY Ration Card daw ksoh yei bhah ki hadooh wa pyndep ya e-KYC Verification deiwa kheiñ nadooh u January 2026.
Kamtæ da kyntu ya kiwa yoh myntoi wow pyndep ki ya ka e-KYC Verification smat yow lait u chah pynthut i yoh khoo rachon ki.
I leh ya ka e-KYC Verification ye wow pyndep ha waroh ki Fair Price Shop Centre lyngba ki kor e-Pos Machine wei kamjooh leh ha ka yung krehkaam u Deputy Commissioner (Supply), West Jaiñtia Hills District, Jowai næ lyngba ka Mera e-KYC App, kawa ye wow Download yow ye wow pynsakhiat.
Discussion about this post