Jowai: Ka Inter College Football Tournament kawa pynman kam chibynta i dap 50 snem ka Kiang Nangbah Govt. College, ynne ka sngi da pyndep ya ki artylli ki yakhun Semi Final.
Ha ka yakhun wa nyngkong hapyrdi ka Thomas Jones Synod College pyrchah ya ka Ummulong College da rai ya kiwa jop da ka yachut Tie Breaker hadien wa kut ka yalehke 0-0. Ka Ummulong da yoh laad ko wow jop lyngba ka penalty wa yoh ko tangwa ym em lai ko.
Ha ka yachut Tie-Breaker won ka Thomas Jones da jop ko da 3-2.
Ha ka Semi Final wa ar won ka KNGC da pynrem ko ya ka Jaiñtia Eastern College da 2-0 da ki kool wa thap chisien ha ka kylla step wa sa kawi ha ka kylla miet.
Ka Final u pynman mynstep heipor chi waje i sngi ha Kiang Nangbah Stadium.
Ynne ka sngi leh da pyndep ya ka Basketball yong ki kynthai heiwa da wan chimbynta du ka KNGC wa ka St. Anthony’s College Byndi-Hati wei da man ko leh ka yakhun Final.
Ka St. Anthony’s da jop suk ko da 15-02 point.
Discussion about this post